Bilim mınıstri: Álippege qatysty jumys toby quryldy

NUR-SULTAN. QazAqparat – QR Bilim jáne ǵylym mınıstrligi álippege qatysty arnaıy jumys tobyn qurdy. Bul týraly Parlament Májilisindegi Úkimet saǵatynda QR Bilim jáne ǵylym mınıstri Ashat Aımaǵambetov málim etti, dep habarlaıdy QazAqparat tilshisi.

«Álippege qatysty másele kópten beri kóterilip júr. Bul shyn mánine óte mańyzdy. Bıyl tamyz keńesinde osy máselege jeke toqtaldyq. Qazir tıisti jumys toby quryldy. Bizdiń aıtyp otyrǵanymyz, álippeni mektepke engizý kerek jáne onda eshqandaı eksperıment kerek emes. Ahmet Baıtursynovtyń ádistemesi bar, sol ádistemeden basqa eshteńe oılap tabý qajet emes», - dedi mınıstr Bilim berýdi jáne ǵylymdy damytýdyń 2016-2019 jyldardaǵy baǵdarlamanyń iske asyrylýyn talqylaý barysynda.

Sonymen qatar A.Aımaǵambetov oqýlyqtardy daıarlaý, taldaý sharalaryna syn aıtylyp jatqanyn atap ótti. Osy máselelerdi sheshý úshin qazirgi ýaqytta QR Bilim jáne ǵylym mınıstrligi oqýlyqtardyń sapasyn jaqsartý jáne saraptaý tetigin jańartý boıynsha jumys júrgizip jatyr. Sondaı-aq avtorlar men sarapshylardy oqytý, oqýlyqtarǵa «jasyryn» sholý jasaý, sarapshylardy sertıfıkattaý uıymdastyrylady.