Bilim men ǵylym damymaı, bizdiń ekonomıkamyz alǵa júrmeıdi

STANA. Naýryzdyń 29-y. QazAqparat - Búgin QR Parlamenti Májilisinde ótken Úkimet saǵatyn osy Palata Tóraǵasynyń orynbasary Jánibek Káribjanov qorytyndylady. Ol elimiz egemendik alǵannan keıin, el Prezıdentiniń salıqaly saıasatynyń arqasynda bilim berý júıesi kóptegen jetistikterge jetkenin atap ótti,

dep habarlaıdy QazAqparat.

Palata Tóraǵasynyń orynbasary 2011-2020 jyldarǵa arnalǵan baǵdarlamanyń jobasy ázirlenip, onyń talqylanyp jatqanyn, elep-ekshep, kerekti qosymsha engizilse, odan baǵdarlama jetile túsetinin aıtty.

J.Káribjanovtyń aıtýynsha, birinshi másele - muǵalimderdiń mártebesin, dárejesin kóterý, onyń eńbekaqysyn kóterý. Ekinshi másele - memlekettik basqarý júıesin ary qaraı damytý. "Nur Otan" halyqtyq -demokratııalyq partııasynyń bilimdi damytý týraly óz baǵdarlamasynda da úlken bólimder bar. Sol da keleshek memlekettik baǵdarlamanyń ishinde qamtylýy kerek.

«Byltyr biz kásiptik-tehnıkalyq bilim berý máseleleri boıynsha arnaıy parlamenttik tyńdaý ótkizip edik. Rasynda da áli de osy máselelerdi sheshý jáne buǵan arnalǵan arnaıy memlekettik baǵdarlama bar. Ol áli de baısal, áli de qanaǵatsyz deýge bolady. Sondyqtan osyǵan mınıstrlik nazar aýdarǵany jón.

Óte durys máseleni birneshe depýtat kóterip otyr. Qazirgi ýaqytta Prezıdentimizdiń Joldaýyna baılanysty ındýrstrııaldyq-ınnovatsııalyq baǵdarlama jasalýda. Osy baǵdarlamany oryndaýǵa qajetti mamandardy daıyndaýdy tezdetý kerek.

Bizde bilim týraly zańnyń jobasy bar, osy jýyrda ǵylym týraly zańnyń jobasy keldi. Jalpy, depýtattar bilim týraly zań jbasyn keńinen taldaý ústinde. Al endi biz bilim jáne ǵylym salasynda jańa ólshemge, jańa kontseptýaldy dárejege kóshkimiz kelip otyr. Oǵan eshqandaı qarsylyq joq. Biraq eń basty másele osyǵan qalaı kóshemiz? Ótpeli ýaqytta qandaı máselelerdi jasaýymyz kerek? Óıtkeni onsyz qazir keıbir máseleler túsiniksiz bolyp otyr. Osy másele boıynsha, jalpy, ǵylym týraly zańnyń jobasyn jan-jaqty talqylaımyz dep oılaımyn.

Osy jýyrda ǵana biz qazaq tilin damytý týraly úlken ǵylymı-praktıkalyq konferentsııa ótkizdik. Naqty usynystar jýyq arada Úkimetke jiberiledi. Al endi osynda eń basty máseleler - qazaq tilin úıretý. Balabaqshadan bastap, mektep, joǵary oqý orny, tipti jumys isteıtin qyzmetkerlerge qazaq tilin oqytý. Jáne de jaı oqytý emes, nátıjeli oqytý. Qarajat jumsalǵannan keıin onyń nátıjesi bolýy kerek.

Jastardy, jasóspirimderdi, balalardy tárbıeleý máselelerine de mınıstrlik basa nazar aýdarǵany abzal.

Sońǵy ýaqyttarda bilim salasyndaǵy jemqorlyqpen kúres máselesi de ózekti taqyryp. Jalpy, elimizdegi istelip jatqan jemqorlyqqa qarsy kúrestiń úlken bóliginiń bireýi. Jalpy, birlese qımyldasaq, eńserýge bolmaıtyn sharýa joq. Árıne, bilim men ǵylym damymaı, bizdiń ekonomıkamyz alǵa júrmeıdi. Bilim salasyn damytý úshin qandaı zańdar qajet bolsa, olardyń barlyǵyna Parlament depýtattary atsalysyp keledi, ıgi iske árdaıym qoldaý jasalady. Sondyqtan aıtylǵan máselelerdiń bárin Bilim jáne ǵylym mınıstrligi óziniń nazaryna alady dep oılaımyn»,- dedi J. Káribjanov.