Bilim qyzmetkerleriniń respýblıkalyq tamyz keńesi ótedi

ASTANA. QazAqparat - 24-25 tamyz aralyǵynda eldiń 20 óńiri boıynsha bilim qyzmetkerleriniń respýblıkalyq «Ádiletti Qazaqstan: sapaly bilim, adal urpaq, tabysty ult» atty tamyz keńesi ótedi, dep habarlaıdy QR Oqý-aǵartý mınıstrliginiń baspasóz qyzmeti.

Eki kúnge jalǵasatyn paneldik jáne sektsıondyq sessııada pedagogter mektepke deıingi, orta, tehnıkalyq, kásibı, qosymsha, ınklıýzıvti bilim berý, balalardyń quqyǵyn qorǵaý jáne sapaly bilimmen qamtamasyz etýge qatysty ózekti máselelerdi talqylaıdy.

24 tamyzda óńirlerde óz taqyryptyq baǵyttaryna sáıkes sektsıondyq otyrystar ótedi:

• Mektepke deıingi oqytý – Qyzylorda oblysy;

• Aýyl mektebi – Aktóbe oblysy;

• Oqýǵa qushtar ult –Abaı oblysy;

• Inklıýzıvtik jáne arnaıy bilim – Qostanaı oblysy;

• Pedagog mamandary – Soltústik-Qazaqstan oblysy;

• Daryndy balalar - ult maqtanyshy –Ulytaý oblysy;

• Bilim berý tehnologııalary – Almaty oblysy;

• Balalardyń demalýy men saýyǵýy – Akmola oblysy;

• Jaıly jaǵdaı qalyptastyrý – Astana qalasy;

• Balalardy qoldaýdyń teń múmkindigin qalyptastyrý – Qaraǵandy oblysy;

• Mektepte durys tamaqtanýdy uıymdastyrý – Almaty qalasy;

• Qosymsha bilim berý – Shyǵys-Qazaqstan oblysy;

• Ulttyq qundylyqtar negizindegi tárbıe – Túrkistan oblysy;

• Bilim berý salasynda qaýipsiz ortany qalyptastyrý – Atyraý oblysy;

• Tehnıkalyq jáne kásiptik bilim berý – Pavlodar oblysy;

• Bilim mazmunyn jaqsartý arqyly sapany arttyrý – Mańǵystaý oblysy;

• Bilim salasyndaǵy baqylaý jáne baǵalaý – Jambyl oblysy;

• Qarjylyq-quqyqtyq tártip – Jetisý oblysy;

• Bilim salasyndaǵy menedjment – Batys-Qazaqstan oblysy;

• Bilim salasyn sandyq júıege kóshirý – Shymkent qalasy.

25 tamyzda 20 óńirdiń qatysýymen Birińǵaı respýblıkalyq plenarlyq sessııa onlaın rejımde ótedi. Oǵan bilim berý júıesiniń 12 myń qyzmetkeri qatysady. Forýmnyń plenarlyq sessııalary mınıstrliktiń, oblystyq bilim basqarmalarynyń, vedomstvolyq baǵynysty uıymdardyń Facebook, Instagram jáne YouTube resmı paraqshalarynda taratylady.