Bilim kúni Mańǵystaýda 500-ge jýyq polıtseı qoǵamdyq tártipti qamtamasyz etti

AQTAÝ. QazAqparat – Mańǵystaýdaǵy «Alǵashqy qońyraý» saltanatty jıyndary oqys oqıǵalarsyz ótti. 500-ge jýyq polıtsııa qyzmetkeri qoǵamdyq qaýipsizdikti qamtamasyz etti. Bul týraly oblystyq polıtsııa departamentinen málim etti, dep habarlaıdy QazAqparat tilshisi.

«Búgin 100-den asa jalpy bilim beretin uıymda oqý jylynyń bastalýyna arnalǵan «Alǵashqy qońyraý» saltanatty is-sharalary ótkizildi. Bul kúnde 500-ge jýyq qyzmetker qoǵamdyq tártip pen jol qaýipsizdigin qamtamasyz etti. Sonymen qatar, mektepterge jaqyn ornalasqan 79 avtopatrýl jol polıtsııasy narıadtarynyń baǵyttary joldaǵy jaǵdaıdy baqylaýda ustady. Dástúrli túrde balalardyń júris bóliginde qaýipsiz júris-turysy boıynsha is-sharalar ótkizildi. Bilim berý uıymdaryna jaqyn ornalasqan jaıaý júrginshiler ótkelderinde polıtsııa qyzmetkerleri turdy», - delingen málimette.

Oblys boıynsha is-shara eshqandaı oqys oqıǵasyz, birqalypty jaǵdaıda ótkizildi. Mektep oqýshylarynyń jol-kólik oqıǵalaryna túspedi jáne zań buzýshylyqtar bolǵan joq.