Bilim grantyna ótinish berý úshin qandaı qujattar qajet

ASTANA. QazAqparat – Ǵylym jáne joǵary bilim mınıstrliginiń Joǵary jáne joǵary oqý ornynan keıingi bilim komıteti tóraǵasynyń orynbasary Nurbek Saparqojaev QazAqparat tilshisiniń saýalyna jaýap bere otyryp, grant konkýrsyna qatysý úshin qandaı qujattar qajet ekenin aıtyp berdi.

«Negizinen talapkerge qatysty derekter suralady. Atap aıtqanda, mektep bitirýshiniń aty-jóni, týǵan jyly, sertıfıkaty jáne jeke basyna qatysty taǵy qosymsha málimetteri júkteledi. Qajetti barlyq jolaqtar toltyrylyp, qujattar jetkilikti bolsa, tapsyrý batyrmasyn basady. Keıin talapkerge qujatynyń qabyldanǵany týraly anyqtama shyǵady» - dep málim etti Nurbek Saparqojaev tilshi saýalyna jaýap bere otyryp.

Aıta keteıik, erteńnen bastap Egov.kz portaly arqyly grantqa qujat qabyldaý bastalady. Nurbek Saparqojaevtyń aıtýynsha, grant ótinish berý 13-20 shilde aralyǵynda júredi.

Eske salaıyq, buǵan deıin grantqa túsýge qansha ball jetkilikti sanalatyny týraly jazyp edik.

Qosa ketsek, bıyl bakalavrıatqa 73 myńnan asa grant bólinip otyr.