Bilim berý júıesindegi tárbıe jumystarynyń tujyrymdamasy ázirlenedi
«Bilim berý protsesindegi eń bastysy – bul tárbıe. Bul jaıynda biz birneshe ret aıttyq. Tıimdi bilim berý zııatkerlik sapaǵa tárbıeleý, aqparat ala bilý jáne onymen jumys isteý arqyly ǵana júrgiziledi, - dedi Úkimet basshysynyń orynbasary Bilim jáne ǵylym mınıstrliginiń keńeıtilgen alqa otyrysynda.
Onyń atap ótýinshe, bilim berý júıesi rýhanı baı, adamgershiligi mol, zııatker, shyǵarmashyl tulǵalardy daıyndaýy tıis. Bul baǵytta óte kúrdeli suraqtar turǵanyn jaqsy bilemiz. Sondyqtan osy máselelerdiń bárin tárbıe júıesine taldaý jasalyp, shuǵyl ári júıeli is-sharalar qabyldaýymyz kerek. Men bul jóninde arnaıy keńes ótkizip, tárbıe jumystary jóninde tujyrymdama ázirleýdi tapsyrǵan bolatynmyn. Tujyrymdamada mektepke deıingi uıymdardaǵy, mekteptegi, kolledjdegi jáne joǵary oqý oryndaryndaǵy tárbıe jumystary tolyq qamtylatyn bolady. Tujyrymdamada jastardy eńbekke baýlý,sportqa, shyǵarmashylyqqa baýlý basym baǵyttar bolýy tıis», - dedi Eraly Toǵjanov.
Osy rette Premer-Mınıstrdiń orynbasary tujyrymdamany Úkimettiń 2022 jylǵa arnalǵan is-qımyl josparyna engizý qajettigin aıtyp, birinshi vıtse-mınıstr Sholpan Karınovaǵa kelesi aptada júrgizilip jatqan jumystar jaıly baıandaýdy tapsyrdy.