Bilim berý uıymdarynyń qyzmetine qatysty bas sanıtar dárigerdiń jańa qaýlysy shyqty

NUR-SULTAN. QazAqparat – QR Qazaqstan Respýblıkasynyń bas memlekettik sanıtarlyq dárigeri Aıjan Esmaǵambetova elimizdiń bilim berý uıymdarynyń qyzmetine qatysty jańa qaýly shyǵardy, dep habarlaıdy QazAqparat tilshisi.

«Jasyl» jáne «sary» aımaqtarda áleýmettik qashyqtyqty mindetti túrde saqtaýǵa qoıylatyn talaptar alynyp tastalsyn. Kún saıynǵy «kirý» súzgisine de (janaspaıtyn termometrmen termometrııa) talap qoıylmaıdy. Sonymen qatar «Ashyq» mobıldi qosymshasyn paıdalaný, áleýmettik qashyqtyqty saqtaý jáne termometrııa júrgizý bilim berý uıymdary ákimshiliginiń sheshimi boıynsha erikti túrde júzege asyrylýy múmkin», - delingen qaýlyda.

Degenmen bas sanıtar dárigerdiń qaýlysynda kórsetilgendeı «Ashyq» júıesi qoldanystan múldem alynbaıdy.

«Epıdemıologııalyq jaǵdaıdy baǵalaý matrıtsasyna sáıkes óńir «qyzyl» aımaqqa aýysqan kezde menshik nysanyndaǵy jáne vedomstvolyq tıisti bilim berý uıymdarynda «Ashyq» mobıldi qosymshasyn mindetti túrde paıdalaný, áleýmettik qashyqtyqty saqtaý jáne kún saıynǵy «kirý» súzgisin (janaspaıtyn termometrmen termometrııa) júrgizý qamtamasyz etiledi», - dep habarlandy.

Odan bólek, qujatta bilim berý uıymdarynda sanıtarııalyq-epıdemııaǵa qarsy sharalardyń tolyqtaı saqtalý kerektigi aıtylǵan.