Bilim berý uıymdarynyń 75%-y lıtsenzııasy bar kúzetpen kelisim jasady

ASTANA. QazAqparat – Elimizde bilim berý uıymdarynda (balabaqsha, mektep, kolledj) qaýipsizdikti arttyryp, tıisti qural-jabdyqpen qamtý jumysy jalǵasyp jatyr. Tolyǵyraq oqý-aǵartý vıtse-mınıstri Edil Ospanov aıtyp berdi, dep habarlaıdy QazAqparat tilshisi.

«Búginde elimizdegi bilim berý uıymdarynyń 75%-y lıtsenzııasy bar kúzetpen kelisimge keldi. Dabyl batyrmasymen mektepterdiń 92%-y qamtylsa, týrnıket mektepterdiń 61%-da ornatylǵan. Bul baǵyttaǵy jumys bizdiń mınıstrlik jáne ákimdiktermen birlesip jalǵasyn taýyp jatyr. Bilim berý uıymdarynda qaýipsizdikti qamtamasyz etý máselesi Úkimet otyrysynda qaralyp, Premer-mınıstr jańa oqý jylynda elimizdegi barlyq bilim oshaqtaryn 100% jabdyqtaýdy júktedi», - dedi Edil Ospanov ortalyq kommýnıkatsııalar qyzmeti alańynda ótken brıfıngte.

Vıtse-mınıstrdiń aıtýynsha, atalǵan másele mınıstrliktiń jiti baqylaýynda.

«Ákimdikter bilim berý uıymdarynyń qaýipsizdigin qamtý jumysyna jergilikti bıýdjet esebinen 12,7 mlrd teńge qarjy bóldi. Búginde tıisti qural-jabdyqtar satyp alynyp jatyr», - deıdi mınıstrdiń orynbasary.