Bilim berý uıymdarynda biryńǵaı bilim berý aqparattyq júıesi bolady - Ashat Aımaǵambetov

NUR-SULTAN. QazAqparat – ІT-mektepterinde oqý úshin jastarǵa oqý vaýcherleri bólinedi. Bul týraly Memleket basshysynyń Joldaýynda berilgen tapsyrmalardy oryndaýǵa arnalǵan Úkimet otyrysynda Bilim jáne ǵylym mınıstri Ashat Aımaǵambetov málim etti, dep habarlaıdy QazAqparat tilshisi.

«Baǵdarlamalaý daǵdylaryn damytý boıynsha, «Tsıfrlyq bilim» jobasynyń aıasynda ІT-mektepterinde oqý úshin jastarǵa oqý vaýcherleri bólinedi. Ol úshin zańnamalyq negiz daıyndaldy. «Tsıfrlyq muǵalim» jobasy aıasynda áleýmettik osal otbasylardan shyqqan balalarǵa qosymsha onlaın-sabaqtar alý múmkindigi usynylady. Tıisti zańnamalyq túzetýler ázirlendi. Bul bastama osy balalardyń bilim sapasynyń birshama kóterilýine úlken septigin tıgizetini sózsiz», - dedi A. Aımaǵambetov.

Onyń aıtýynsha, barlyq bilim berý uıymdarynda biryńǵaı bilim berý aqparattyq júıesi qoljetimdi bolady. Bilim berý protsesiniń barlyq qatysýshylary úshin avtorızatsııanyń biryńǵaı terezesi, sabaqty josparlaý men qurýdan bastap, úı tapsyrmasyn oryndaýǵa deıingi barlyq kezeńderdi qamtıdy.