«Bilim berý ózgeristeriniń 1000 kóshbasshysy» kadrlyq rezervi jasaqtalady - mınıstr
Ǵanı Beısembaev Aıagóz, Úrjar jáne Jarma aýdandarynyń pedagogterimen kezdesýler ótkizdi. Onda ásirese, sapaly bilim berý men kásibı damýdy qamtamasyz etýdiń negizgi baǵyttaryna jáne UBT (ulttyq biliktilik test) ótkizý erejelerindegi ózgeristerge basa nazar aýdardy.
«Mınıstrlik «Bilim berý ózgeristeriniń 1000 kóshbasshysy» kadrlyq rezervin qalyptastyrý boıynsha keshendi jumystar júrgizýde. Basty maqsat – pedagogter boıynda tulǵalyq, kásibılik, basqarýshylyq, saraptamalyq daǵdylar men quzyretterdi damytý. Baǵdarlamaǵa psıhologııalyq testileý engizilip otyr, ol jas pedagogterdiń, bolashaq kóshbasshylardyń tulǵalyq túrin, tabystylyǵyn anyqtaýǵa múmkindik beredi», - dep málimdedi mınıstr.
Buǵan deıin VIII shaqyrylymdaǵy Parlament Májilisiniń birinshi sessııasynyń ashylýynda Memleket basshysy pedagogter úshin UBT erejesin ońaılatýdy usynǵan bolatyn. Qazirgi tańda mınıstrlik muǵalimderdi attestatsııalaý júıesin jetildirý boıynsha birqatar jumystar atqarýda. «Oqytý ádisi» baǵyty men portfolıo qalyptastyrý protsesi qaıta qaralatyn bolady.
Aıta keteıik, búginde Abaı oblysynda 12 myńnan astam pedagog qyzmet etedi, onyń ishinde 2000-nan astam pedagog-zertteýshi, 95 pedagog-sheber bar.