Bilim berý ınfraqurylymyn qoldaý qory qurylady

ASTANA. QazAqparat – Premer-Mınıstrdiń orynbasary Altaı Kólginov Senat depýtattarynyń saýalyna joldaǵan jaýabynda elimizde Bilim berý ınfraqurylymyn qoldaý qory qurylatynyn málim etti, dep habarlaıdy QazAqparat tilshisi.

«Qazirgi tańda bilim berý ınfraqurylymyn qoldaý qoryn qurý boıynsha jumystar júrgizilýde. Qor qarajaty esebinen mektepter men ınternattar qurylysyn iske asyrý josparlanýda.

Almaty qalasyndaǵy A.Ostrovskıı atyndaǵy № 4 mektep-ınternatynyń qosymsha ǵımaratyn salý belgilengen tártipte qaralastyrylady. Osyǵan baılanysty Oqý-aǵartý mınıstrligine jáne Almaty qalasynyń ákimdigine tıisti tapsyrma berildi», - dep jazady vıtse-Premer.

Sondaı-aq, ınternatýra granttarynyń sany 70 paıyz artatynyn eske saldy.

«Medıtsına kadrlaryn daıarlaýǵa arnalǵan memlekettik bilim berý tapsyrysy óńirlerdiń qajettiligi men ótinimder boıynsha qalyptastyrylady. Óte tapshy mamandyqtardy bólý joǵary oqý oryndaryn óńirlendirýdi eskere otyryp, óńirlerdiń qajettilikteri men ótinimderi negizinde komıssııalyq túrde qalyptastyrylady. 2022 jyly «eresekter, balalar oftalmologııasy» mamandyǵy boıynsha 80 maman oqytyp shyǵaryldy, al 2023 jyly 75 maman shyǵarý josparlanyp otyr. Memleket basshysynyń tapsyrmasyna sáıkes rezıdentýrada daıarlaý granttarynyń sanyn 70% ulǵaıtýǵa sharalar qabyldanýda», - dep jazylǵap jaýapta.