Bilim berý granttaryn taǵaıyndaý jónindegi respýblıkalyq komıssııanyń birinshi otyrysy ótti

NUR-SULTAN. QazAqparat - Bilim berý granttaryn taǵaıyndaý jónindegi respýblıkalyq komıssııanyń birinshi otyrysy ótti. Komıssııa otyrysyna QR Bilim jáne ǵylym vıtse-mınıstri Qýanysh Erǵalıev tóraǵalyq etti, dephabarlaıdy QazAqparat mınıstrliktiń baspasóz qyzmetine silteme jasap.

Grantqa úmitkerlerdiń ótinimderin komıssııa músheleri qaraıdy.

Komıssııa quramyna memlekettik organdar men qoǵamdyq uıymdardyń ókilderi, jýrnalıster, «Qazaqstan stýdentteri Alıansy», Otandastar qorynyń ókilderi kirdi. Odan keıin talapkerlerdiń UBT-da jınaǵan baldaryna jáne bekitilgen erejelerge sáıkes konkýrstyq negizde granttar taǵaıyndalatyn bolady.

Prezıdenttiń tapsyrmasy boıynsha granttardyń jalpy sany 5 myńǵa artyp otyr. ıAǵnı, ótken jyly bilim berý granttarynyń sany 51 myń bolsa, bıyl 56 myńǵa deıin artty. Sondaı-aq granttardy bólý kezinde alǵash ret azamattardyń áleýmettik osal sanattary úshin kvotalar kózdelgen.

Bıyl bilim berý granttaryn taǵaıyndaý konkýrsyna qatysý úshin barlyǵy 75 myńnan astam ótinim berildi, bul 2020 jylmen salystyrǵanda 13 myńǵa artyq.

«Memlekettik bilim berý granttaryn taǵaıyndaý konkýrsynyń nátıjelerin 15 tamyzǵa deıin jarııalaý josparlanyp otyr»,-delingen QR Bilim jáne ǵylym mınıstrliginiń baspasóz qyzmeti taratqan aqparatta.