Bilim basqarmasy taldyqorǵandyq ustazdardyń jalaqysy nege keshikkenin túsindirdi
15:46, 14 Qazan 2022
TALDYQORǴAN. QazAqparat - Taldyqorǵanda qyrkúıek aıynyń aılyǵyn almaǵan mekteptegi ustazdardyń jalaqysy kelesi aptada túsedi, dep habarlaıdy QazAqparat tilshisi.
«Taldyqorǵan qalasynda 5 mektep pen 3 balabaqshanyń mamandary qyrkúıek aıynyń aılyǵyn almady. Dúısenbi kúni aqshasyn shottaryna salyp jiberedi. Kelesi aptada jalaqysyn alady. Mundaı jaǵdaı Jetisý oblysy boıynsha tek Taldyqorǵan qalasynda ǵana bolyp tur. Sebebi, tıisti mamandar der kezinde qujattaryn jiberip úlgermegen. Sol sebepti, aılyqtary shamamen 17 kúnge keshiktirilip otyr. Mundaı keleńsiz jaıt týdyrǵan jaýaptylarǵa shara qoldanylady»,- dedi Jetisý oblystyq bilim basqarmasynyń basshysy Aıjan Adambekova.