Bıliktiń de, halyqtyń da jaýapkershiligi bolýy kerek – Indıra Rystına
«Barlyq polıtsııa qyzmetkerleri uryp-soǵady dep aıyp taǵa almaımyz. Halyq tolyǵymen ereýilge shyǵyp, barlyǵy da búlik jasady dep aıta almaımyz. Sebebi arasynda jaýapkershiligi tómen azamattar beıbit sherýge shyqqan kezde tonaý, bireýdi uryp-soǵý faktilerine jol berdi. Bul da sol azamattardyń beıbit sherýge shyqqan kezdegi jaýapkershiliginiń joq ekendigin kórsetedi. Bılik pen halyqty alyp qaraıtyn bolsaq, eki taraptyń da jaýapkershiligi bolýy kerek. Іshki ister organdaryn reofrmalaıtyn bolsaq, reforma jasalýy tıis dúnıe kóp. Elimiz 30 jyl boıy reformalanyp keledi. Biraq, árbir azamattyń, árbir qyzmetkerdiń, shen ıesiniń jeke jaýapkershiligi bolmaıynsha bul reformalar iske aspaıdy. ıAǵnı, biz eń aldymen ádep kóshbasshylyǵy degen fenomenge nazar aýdarýǵa tıispiz», - dedi ol.
Onyń atap ótýinshe, qańtar oqıǵalary kezinde adamdar ádildik izdedi, jurtshylyqqa ashyqtyq jetpedi.
«30 jyl boıy elimizde bári de durys bolmady dep aıta almaımyz. Kóptegen reforma jasaldy, jaqsy baǵdarlamalar, ulttyq jobalar jazylyp, strategııalar da boldy. Biraq, ony halyqqa ashyq túsindirý jumystary álsiz júrgizildi. Aqparatty berý – bul ashyqtyq emes. Aqparatty bergen kezde onyń qaıdan shyqqanyn, sheshimderdiń qalaı qabyldanǵanyn jáne keri baılanystyń qandaı ekenin túsindirý kerek», - dedi Indıra Rystına.