Bılikti kúshpen basyp alýǵa oqtalǵan adam buryn quqyq qorǵaý organdarynda jumys istegen

ASTANA. QazAqparat – Eldegi bılikti kúshpen basyp alyp, sharıat zańyn ornatýǵa shaqyrǵan adam 15 jylǵa sottaldy. Ol buryn Іshki ister organdarynda jumys istegen, dep habarlaıdy QazAqparat Astana qalalyq sotyna silteme jasap.

«Azamat Sh. ishki ister organdary qyzmetkerleriniń antyn buzyp, bılikti kúshpen basyp alýǵa, eldiń konstıtýtsııalyq qurylymyn ózgertýge baǵyttalǵan qylmystyq oıǵa berilgen. Adamdardyń jappaı narashylyq jıyndaryn uıymdastyrýǵa jaqtastar izdep, óziniń radıkaldy lańkestik ıdeıalaryn nasıhattaǵan. Kýágerlerdi 2022 jyldyń 17 mamyrynda Astanada zańsyz mıtınge shyǵyp, odan keıin shet memleketterdiń Elshilikterine jáne memlekettik organdardyń ǵımarattaryna lańkestik shabýyl jasaýǵa, jappaı tártipsizdikke arandatýǵa, eldegi bılikti kúshpen basyp alyp, sharıat zańyn ornatýǵa shaqyrǵan», - delingen sot habarlamasynda.

Sot azamat Sh-ny bılikti kúshpen basyp alý, memlekettiń qaýipsizdigin buzýdy, Qazaqstannyń konstıtýtsııalyq qurylysyn kúshtep ózgertýdi, terrorızmdi nasıhattaýǵa, lańkestik áreketter uıymdastyrý maqsatynda adamdardy daıyndaý jáne terrorlyq aktilerdi ázirleýge kináli dep tanydy.

Buǵan deıin ulttyq qaýipsizdik komıteti elorda turǵyny Sh-ǵa qatysty sot sheshimi zańdy kúshine engenin málim etken bolatyn.