Bilikti kadrlar jumysyn damytýda «Bolashaq» baǵdarlamasynyń máni zor - Memlekettik hatshy

ASTANA. QazAqparat - Búgin QR Memlekettik hatshysy Gúlshara Ábdiqalyqovanyń qatysýymen Shetelde kadrlar daıarlaý jónindegi respýblıkalyq komıssııanyń kezekti otyrysy ótýde.

«Qalyptasqan jumys kestesine baılanysty komıssııamyzdyń otyrysyn ótkizemiz. Qazir álemdik ekonomıkanyń jańa modeli qalyptasqanda bilimdi ári joǵary bilikti kadrlarǵa degen suranys kún ótken saıyn artyp keledi. Álemdik sarapshylar jýyq arada bilikti mamandarǵa degen tapsyrys úlken bolady dep boljaýda»,-dep toqtaldy Memlekettik hatshy.

Osy rette ol Elbasy Qazaqstan halqyna Joldaýynda eldiń adamı kapıtalynyń damýyna arnalǵan aýqymdy ınvestıtsııalar memlekettik saıasattyń basym baǵyttarynyń biri ekenin ataǵanyn eske salyp ótti. Bul tusta joǵary bilikti kadrlar daıarlaý jumystaryn odan ary damytýda «Bolashaq» baǵdarlamasynyń máni óte zor.

G. Ábdiqalyqova óz sózinde Memleket basshysy tapsyrmasyna sáıkes aýyl sharýashylyǵynda, medıtsınada, aero-ǵarysh jáne kólik ındýstrııasynda jańa tehnologııalardy engizý baǵytyndaǵy jumystardy belsendi atqarý kerektigin atap ótti.

Atap aıtqanda, aǵymdaǵy jyldyń basynan beri baǵdarlama QR Prezıdentiniń «Bolashaq» halyqaralyq stıpendııasynyń 2016-2020 jyldarǵa arnalǵan jańa damý jospary boıynsha iske asyrylýda, qujatta ony jańartýdyń negizgi baǵyttary belgilengen. Bıyl «Bolashaq» baǵdarlamasy boıynsha 700 stıpendııa bólindi.