Bılik tarmaqtary saıası úderiske daıyn - senator pikiri

ASTANA. QazAqparat - Parlamenttiń rólin kúsheıtýmen qatar, onyń jaýapkershiligi de artady. Bundaı pikirdi QR Parlamenti Senatynyń depýtaty Darhan Káletaev aıtty, dep habarlaıdy QazAqparat.

«Ózderińiz keshe úndeýdi kórdińizder, osy oraıda Memleket basshysy únemi óziniń biliktiligin, parasattylyǵyn kórsetip keledi. Bul turǵyda Elbasy elmizdiń ary qaraı damýy jaǵdaıyn aldyn ala bilip otyrady. Keshegi úndeýde Prezıdent ózi birinshi bastap usynystardy aıtty. Meniń oıymsha, qazirgi kezde bul bastamalar ornyqty, ıaǵnı ýaqytymen jarııa etilip otyr. Endi aldaǵy ýaqytta bul usynystardy saraptap, durys sheshim qabyldaýymyz kerek», - dedi ol.

Sonymen qatar depýtat Úkimetti jasaqtaýda Parlamenttiń róli kúsheıtiletini týraly qadamnyń mańyzdylyǵyna toqtaldy.

«Bul quzyretpen birge jaýapkershilik te keledi. Sondyqtan osy jaǵyn eskerý kerek. Munymen qosa, quzyretpen, jýapkershilikpen qatar saıası básekelestik te keledi. Meniń oıymsha, qazirgi tańda bıliktiń qaı tarmaǵy bolsa da, óziniń biliktiliginde osy úrderiske daıyn ekendigin kórsetip otyr»,-dedi D. Káletaev.

Aıta keteıik, keshe QR Prezıdenti Nursultan Nazarbaev otandyq telearnalar arqyly bılik tarmaqtary arasynda ókilettikterdi bólý máseleleri jónindegi úndeýin jarııa etti. Onda Prezıdenttiń  áleýmettik-ekonomıkalyq protsesterdi retteýdegi birshama ókiletterin Úkimetke jáne basqa da atqarýshy organdarǵa berý, Úkimetti jasaqtaýda Parlamenttiń rólin kúsheıtý qarastyrylǵan.