Bılik ókilettilikterin qaıta bólý týraly zańdardy naýryzda Parlamentke engizý kerek - vıtse-mınıstr Baımoldına

ASTANA. QazAqparat - Búgin QR Ádilet mınıstrligi janyndaǵy zań jobalaý qyzmeti máseleleri jónindegi vedomstvoaralyq komıssııanyń kezekti otyrysy ótti. Onda bılik tarmaqtary arasynda ókilettilikterdi qaıta bólý máseleleri boıynsha keıbir zańnamalyq aktiler men konstıtýtsııalyq zańdarǵa ózgerister engizý týraly eki zań jobasynyń tujyrymdamasy qaraldy, dep habarlaıdy QazAqparat tilshisi.

Ádilet vıtse-mınıstri Záýresh Baımoldınanyń aıtýynsha, bılik tarmaqtaryn arasynda ókilettilikterdi qaıta bólý jumysy aıasynda birinshi zań tujyrymdasymen 4 kodeks pen 21 zańǵa ózgerister engizý kózdelip otyr. Al ekinshi tujyrymdama boıynsha 3 konstıtýtsııalyq zańdy ózgertý kerek.

"Aqpannyń 10-y kúni birinshi tujyrymdama ádilet mınıstrliginiń resmı saıtynda, sondaı-aq ashyq normatıvtik-quqyqtyq aktiler portalynda jarııalanǵan bolatyn. Al aqpannyń 14-i kúni vedomstvoaralyq komıssııanyń barlyq múshelerine jiberildi. Endi, naýryzdyń 15-sine deıin atalǵan eki zań jobasy Parlamentti qaraýyna engizilýi kerek", - dep atap kórsetti Baımoldına.

Onyń sózine qaraǵanda, búginde zań jobalarynyń tujyrymdamasy ǵana daıarlanyp otyr. Sondyqtan qosymsha ózgerister men tolyqtyrýlar bolýy ábden múmkin.

Aıta keteıik, vedomstvoaralyq komıssııanyń búgingi otyrysynda qaralǵan tujyrymdamalardyń tolyq ataýy - "QR keıbir zańnamalyq aktilerine memlekettik bıliktiń tarmaqtary arasynda ókilettilikterdi qaıta bólý máseleleri boıynsha ózgerister men tolyqtyrýlar engizý týraly" zań jobasynyń tujyrymdamasy jáne "QR keıbir konstıtýtsııalyq zańdaryna memlekettik bıliktiń tarmaqtary arasynda ókilettilikterdi qaıta bólý máseleleri boıynsha ózgerister men tolyqtyrýlar engizý týraly" zań jobasynyń tujyrymdamasy. Atalǵan eki qujatty da ádilet mınıstrligi ázirlep otyr.