«Bilezigi» bardyń qylmysy bar» - baspasózge sholý
***
«Egemen Qazaqstan» gazetiniń búgingi sanynda « Eýrazııa» kınofestıvali Aımanovtyń rýhyna arnaldy» degen maqala kópshilik nazaryna usynyldy. Osymen onynshy ret ótkizilip otyrǵan Halyqaralyq «Eýrazııa» kınofestıvaliniń alǵashqy mereıtoıy ultymyzdyń aıtýly rejısseri Sháken Aımanovtyń ǵasyrlyq toıymen tuspa-tus keldi. Sondyqtan da bıylǵy kınobaıqaý ıÝNESKO-nyń resmı kúntizbesindegi ataýly merekelerdiń qataryna engen uly qazaq rejısseri Sháken Aımanovtyń 100 jyldyǵyna arnaldy. Kınododaǵa bıyl Eýropa men Azııadaǵy 30 elden 170 kınokartına kelip túsken. Sonyń ishinde 12 fılm negizgi baıqaýǵa qatysýǵa jiberildi. Olardyń qatarynda otandyq kınoger Ermek Shynarbaevtyń «Dala daýysy» fılmi bar.
Bas basylymda «Benzın baǵasy buǵaýly» atty maqala jarııalandy. Keshe Úkimet otyrysynda ınvestıtsııalyq ahýaldy jaqsartý boıynsha sharalar, sondaı-aq munaı servısi salasyn damytý máseleleri talqylandy. Bul jóninde otyrystyń qorytyndysyna oraı Ortalyq kommýnıkatsııalar qyzmetinde ótken baspasóz máslıhatynda málim boldy. Baspasóz máslıhatynda munaı salasy boıynsha Energetıka birinshi vıtse-mınıstri Uzaqbaı Qarabalın baıandady. Onyń aıtýynsha, 2013 jyly munaı servısiniń jalpy qyzmeti men jumysynyń kólemi 1,8 trln. teńgeni qurady. Sonyń ishinde munaı servısi naryǵynyń negizgi segmentteri qurylys-montaj jumystary, burǵylaý, jobalaý, ınjınırıng, geofızıkalyq jumystar, uńǵymaǵa kúrdeli jóndeý jumystary bar. Olardyń úles salmaǵy 57 paıyzǵa jetip, 1 trln. teńgege jetip otyr. Qazirgi kúni U.Qarabalın qatysqan jıyndarda benzın baǵasy týraly aıtylmaı qalýy ekitalaı. Sebebi, búginde benzınniń qubylmaly baǵasy kimdi de bolsa alańdatyp otyr. Keshegi brıfıngte de vıtse-mınıstrden benzın jaıy suraldy. Bul rette U.Qarabalın Qazaqstan Úkimeti elimizde dızel otyny men janarmaıdyń baǵasyn odan ári kóterý týraly kásipkerlerdiń usynysyn qoldamaǵanyn jetkizdi.
***
«Aıqyn» gazetiniń búgingi sanynda «Bilezigi» bardyń qylmysy bar» degen maqala berildi. Aldaǵy ýaqytta shartty túrde sottalǵandar men merziminen buryn bosatylǵandar, sondaı-aq ákimshilik baqylaý jazasyna kesilgenderdi qadaǵalaý maqsatynda, olarǵa elektrondy bilezik taǵylady. Bul jóninde Qylmystyq, Qylmystyq is júrgizý, Qylmystyq atqarý, ákimshilik quqyq buzýshylyq kodeksteriniń jańa modeline kóshý máselelerine arnalǵan semınarda aıtyldy. Bas prokýratýra ınstıtýtynyń uıymdastyrýymen ótip jatqan semınarda sóz alǵan ishki ister vıtse-mınıstri Erlik Kenebaevtyń aıtýynsha, jańa Qylmystyq atqarý kodeksine sáıkes shartty túrde sottalǵan jáne shartty túrde nemese merziminen buryn bosatylyp, ákimshilik baqylaý ornatylǵan adamdar úshin qadaǵalaýdyń elektrondy quraldaryn engizilýde. «Osy maqsatta Investıtsııalar jáne damý mınıstrligine qajetti qujattar ázirlendi. Búginde respýblıkalyq bıýdjet komıssııasy bul maqsatqa 2,5 mlrd teńgege jýyq qarjy bólýdi maquldady» dedi vıtse-mınıstr.
Osy basylymnyń jazýynsha, Bilim jáne ǵylym vıtse-mınıstri Tahır Balyqbaev Ortalyq kommýnıkatsııalar qyzmetinde ótken keshegi baspasóz máslıhatynda memlekettik joǵary oqý oryndarynda baqylaý keńesteri qurylyp jatqanyn jetkizdi. Vıtse-mınıstrdiń dereginshe, basqarýdyń osy bir úlgisi 10 joǵary oqý ornyna engizilip te qoıypty. Al jyl sońyna deıin birneshe JOO-da baqylaý keńesteri qurylady. Túsinýimizshe, bul keńes JOO rektorlarynyń quzyretin shekteıtin sekildi. ıAǵnı budan bylaı ýnıversıtetterdi jalǵyz ózi basqaryp kelgen rektorlar baqylaýshy keńestiń aldynda esep beretin bolady. Bul jaıynda «Rektorlardyń quzyreti shekteletin boldy» atty maqaladan tolyq oqı alasyzdar.
***
«Ekspress-K» gazetiniń búgingi sanynda «S nevestoı za partoı» degen maqala basyldy. Almatyda «Januıa» otbasylyq mektebi ashyldy. Osy jerde bolashaq erli-zaıyptylar arnaıy oqytylǵan psıholog-konsýltanttardan otbasylyq ómirge daıyndyq boıynsha kýrstardan ótedi. Mekteptiń ashylý saltanatyna qatysqan qala ákiminiń orynbasary Záýresh Amanjolova kóńilge qaıaý túsiretin statıstıkany da atap ótti. Bıylǵy jarty jylda qalada jeti myńǵa jýyq neke tirkelse, 3 myńǵa jýyq neke ajyrasýǵa bel býyp otyrǵan kórinedi.