Bılet tapshylyǵy, vagon tazalyǵy: antıkor tasymaldaýshy kompanııalarǵa aýdıt júrgizýdi usyndy

<p>ASTANA. KAZINFORM - Sybaılas jemqorlyqqa qarsy qyzmet temirjol jolaýshylar tasymalyn jaqsartý boıynsha usynystar engizdi, dep habarlaıdy agenttiktiń baspasóz qyzmeti. Bul týraly sybaılas jemqorlyqqa qarsy qyzmettiń bastamasymen kólik mınıstrliginde temirjol jolaýshylar tasymalynyń problemalyq máseleleri boıynsha ótken májiliste aıtyldy.</p>

Jolaýshylar tasymalyn sýbsıdııalaý júıesinde jiberilgen eleýli zańbuzýshylyqtar talqylandy.

Memlekettik qoldaý esebinen aıtarlyqtaı tabystarǵa qaramastan, kórsetiletin qyzmetterdiń tıisti sapasyn qamtamasyz etpeıtin jekelegen jeke tasymaldaýshylardyń máselelerine erekshe nazar aýdaryldy. Bul jolaýshylar vagondarynyń sanıtarlyq jáne tehnıkalyq jaǵdaıyna qatysty shaǵymdaryna ákeledi.

Sonymen qatar, bılet tapshylyǵy jáne azamattarǵa qolaısyzdyq týdyratyn poıyzdardyń turaqty keshigýi máseleleri týraly aıtyldy.

Májilis qorytyndysy boıynsha Agenttik sýbsıdııalardy esepteý ádistemesin qaıta qaraýdy, sýbsıdııalaý júıesin tsıfrlandyrý, tıimdi monıtorıng pen baqylaýdy qamtamasyz etý (poezdardy tekserýdi aýdıo-beınetirkeý, qyzmetter sapasy men aıyppul sanktsııalary júıesin baǵalaý ólshemsharttaryn belgileý), tasymaldaýshy kompanııalarda aýdıt júrgizý, sondaı-aq jańa vagondardyń úlesin ulǵaıtý máselelerin pysyqtaýdy usyndy.

«Temirjol salasyndaǵy sybaılas jemqorlyq táýekelderin joıý monıtorıngi jalǵasýda jáne Agenttiktiń erekshe baqylaýynda»,-delingen habarlamada.

Іs-sharaǵa Agenttiktiń, Kólik mınıstrliginiń, Temirjol jáne sý kóligi, Sanıtarııalyq-epıdemıologııalyq baqylaý komıtetteriniń, «Qazaqstan temir joly» ulttyq kompanııasy» AQ jáne «Áleýmettik mańyzy bar qatynastar boıynsha TJ kóligimen tasymaldaýshylar qaýymdastyǵynyń» ókilderi qatysty.

Osyǵan deıin Antıkor jemqorlyqqa qarsy is-qımyl jónindegi halyqaralyq standarttardy engizýdi jalǵastyryp jatqany týraly habarlaǵan edik.