Bılbordtaǵy jarnamaǵa aqy tóleý jáne ornalastyrý erejeleri qandaı

NUR-SULTAN. QazAqparat - Memlekettik kirister komıtetiniń baspasóz qyzmeti bılbordtaǵy jarnamaǵa aqy tóleý men ornalastyrý erejeleri týraly, sondaı-aq osy sala kimniń baqylaýynda ekeniny aıtyp berdi, dep habarlaıdy QazAqparat.

Kórneki jarnama úshin aqy ony jalpyǵa ortaq paıdalanylatyn avtomobıl joldarynyń júris bóliginde, eldi mekenderdegi úı-jaıdan tys ashyq keńistikte ornalastyrǵany úshin alynady.

Bul Qazaqstan Respýblıkasynyń «Salyq jáne bıýdjetke tólenetin basqa da mindetti tólemder týraly» kodeksi (Salyq kodeksi) 603 babynyń 1-tarmaǵynda kórsetilgen.

Jarnama salasyndaǵy ýákiletti organ - QR Ulttyq ekonomıka mınıstrligi. Vedomstvo «Jarnama týraly» Zańynyń 17-1-baby 1-tarmaǵynyń 1) tarmaqshasyna sáıkes syrtqy (kórneki) jarnamany ornalastyrý erejelerin ázirleıdi jáne bekitedi.

Zań sonymen qatar Qazaqstan Respýblıkasynyń jarnama týraly zańnamasynyń saqtalýyna memlekettik baqylaýdy óz quzyreti sheginde respýblıkalyq mańyzy bar qalalardyń, elordanyń, oblystyq mańyzy bar qalalardyń jergilikti atqarýshy organdary júzege asyratyndyǵyn jáne olar eskertýsiz ornalastyrylǵan syrtqy (kórneki) jarnamany anyqtaıtyndyǵyn belgileıdi.

Salyq kodeksine sáıkes, jergilikti atqarýshy organdar aı saıyn, esepti aıdan keıingi aıdyń 15-inen keshiktirmeı, syrtqy (kórneki) jarnama ornalastyrylǵan jerdegi salyq organdaryna tóleýshiler, alymdardyń mólsheri, syrtqy (kórneki) jarnamanyń merzimi men ornalasqan jeri, ýákiletti organ belgilegen nysandaǵy habarlamalar jiberilý( jiberilmeý) týraly málimetti berip otyrady.

Osylaısha, syrtqy (kórneki) jarnama obektilerin anyqtaý máselesi QR Ulttyq ekonomıka mınıstrliginiń quzyretine kiredi, al eskertýsiz ornalastyrylǵan syrtqy (kórneki) jarnama obektisin anyqtaý jergilikti atqarýshy organdardyń quzyretine jatady.

Bul rette salyq organdary jergilikti atqarýshy organdar usynǵan aqparat negizinde tólemder alady.