Bıylǵy jyldyń 10 aıynda qansha munaı tasymaldanǵany belgili boldy

<p>ASTANA. KAZINFORM — Energetıka mınıstrligi 2024 jyldyń 10 aıynyń qorytyndysy boıynsha Qazaqstanda munaı tasymaldanǵanyn jarııa etti, dep habarlaıdy vedomstvonyń baspasóz qyzmeti.</p>

— 2024 jyldyń qańtar-qazan aılarynyń qorytyndysy boıynsha magıstraldyq munaı qubyrlary arqyly tasymaldanǵan munaı kólemi shamamen 57,8 mln tonnany qurady. Tasymaldanǵan munaıdyń jalpy kóleminiń 26%-dan astamy, ıaǵnı 15,1 mln tonnasy, otandyq munaı óńdeý zaýyttaryna (MÓZ) jetkizildi, — dep atap ótti mınıstrlik.

Negizgi kórsetkishter:

• Kaspıı qubyr konsortsıýmy (KQK) qubyry arqyly shamamen 46,3 mln tonna munaı tasymaldandy.

• «Atyraý — Samara» ýchaskesi boıynsha tasymal kólemi shamamen 7,2 mln tonnany qurady.

• 2024 jyldyń qańtar-qazan aılarynda Germanııaǵa 1,2 mln tonna qazaqstandyq munaı jiberildi.

Aqtaý portynan 3,1 mln tonnadan astam munaı jóneltildi. Onyń ishinde:

• 1,6 mln tonnasy Mahachkala portyna jetkizildi.

• 1,2 mln tonnasy «Baký — Tbılısı — Djeıhan» munaı qubyryna baǵyttaldy.

«Atasý — Alashankoý» munaı qubyry arqyly 1 mln tonnadan astam munaı tasymaldandy.

Qazaqstan arqyly munaı tranzıti 2024 jyldyń 10 aıynyń qorytyndysy boıynsha Qazaqstan aýmaǵy arqyly munaı tranzıtiniń kólemi 8,4 mln tonnany qurady. Onyń ishinde:

• Reseı Federatsııasy — Qytaı Halyq Respýblıkasy baǵyty boıynsha — 8,2 mln tonna.

• Reseı Federatsııasy — Ózbekstan Respýblıkasy baǵyty boıynsha — 217 tonna munaı.

Qazaqstandyq munaı Italııa, Nıderland, Qytaı, Koreıa Respýblıkasy, Rýmynııa, Frantsııa, Grekııa, Túrkııa, Sıngapýr, Germanııa jáne basqa da elderge eksporttalady.

Bul kórsetkishter Qazaqstannyń halyqaralyq munaı tasymaly men eksportyndaǵy mańyzdy oıynshy retindegi rólin rastaıdy.

Buǵan deıin Qazaqstanda munaı, gaz, kómir, ýran, lıtıı jáne altynnyń baǵasy qandaı ekeni anyqtaldy.