Bıylǵy segiz aıda Qazaqstan týrızmine salynǵan ınvestıtsııa kólemi 69% ósti

<p>ASTANA. KAZINFORM &ndash; Bıylǵy segiz aıda týrızm salasynda negizgi kapıtalǵa salynǵan ınvestıtsııa kólemi 527,6 mlrd teńgege jetti. Bul ótken jyldyń sáıkes kezeńimen salystyrǵanda 69%-ǵa kóp. 2023 jyldyń alǵashqy 8 aıynda ınvestıtsııalar 311,8 mlrd teńgeni quraǵan.</p>

Jyl sońyna deıin elimizde 148 ınvestıtsııalyq jobany júzege asyrý josparlanǵan. Bul óz kezeginde óńirlerde shamamen 2,5 myń jańa jumys ornyn ashýǵa múmkindik beredi. Atalǵan bastamalar týrıstik ınfraqurylymdy jaqsartýǵa jáne týrısterdi kóbirek tartýǵa baǵyttalǵan.

«Týrıstik sektorǵa salynǵan ınvestıtsııalardyń ósýi strategııalyq mańyzdy salany damytýǵa qyzyǵýshylyqtyń artqanyn kórsetedi. Týrıstik baǵyttardy qajetti ınfraqurylymmen qamtamasyz etý arqyly Qazaqstandy sheteldik jáne ishki týrıster úshin tartymdy ete alamyz», - dedi Týrızm ındýstrııasy komıtetiniń tóraǵasy Nurtas Káripbaev.

Bıyl 64 ınfraqurylymdyq joba júzege asyrylyp jatyr. Bul da týrıstik salany damytýǵa jáne týrısterge qolaıly jaǵdaı jasaýǵa múmkindik beredi.