Bıylǵy negizgi UBT-ǵa tirkelý aıaqtaldy

<p>ASTANA. KAZINFORM — 2024 jylǵy UBT-ǵa 186 myńǵa jýyq talapkerden eki múmkindikti esepke alǵanda 342 myńǵa jýyq ótinish qabyldandy. Bul jaıynda Ulttyq testileý ortalyǵynan habarlandy. </p>

Onyń ishinde test tapsyrýshylardyń 75%-y — qazaq tilinde, 25% -y — orys tilinde, 229 adam — aǵylshyn tilinde UBT-ǵa qatysýǵa ótinish bildirdi.

Esterińizge sala keteıik, grantqa úmitkerlerge UBT-ny tapsyrýǵa eki múmkindik beriledi.

Bul rette ár talapker testileýdi eki ret tapsyryp, eń jaqsy nátıjemen grant konkýrsyna qatysa alady.

Aıta keteıik, talapkerler testileýge ótinish berý barysynda eki múmkindik úshin beıindik pánderdiń bir ǵana kombınatsııasyn belgiledi.

Túlekterdiń 16%-y — «Matematıka-Fızıka», 16%-y — «Bıologııa-Hımııa», 13%-y — «Shyǵarmashylyq», 11%-y — «Matematıka-Informatıka» pánderin tańdady.

Qalǵan talapkerler kolledjden keıingi qysqartylǵan oqý túrin tańdady.