Bıylǵy kóktem men jazda kún raıy qandaı bolady – Qazgıdromet boljamy
Sáýir jáne mamyr aılarynda el aýmaǵynyń basym bóliginde aýanyń ortasha temperatýrasy bir aıdaǵy normadan 1° joǵarybolady dep kútilýde. Jaýyn-shashyn mólsheri sáýir aıynda respýblıka aýmaǵynyń basym bóliginde normadan kóp. Elimizdiń soltústik-shyǵysynda, ortalyǵynda jáne ońtústik oblystarynyń soltústiginde - norma shamasynda, mamyrda jaýyn-shashyn mólsheri eldiń basym bóliginde klımattyq norma shamasynda boljanady.
Kóktemgi aýa raıynda tosynsyılar bolýy múmkin, óıtkeni ótpeli maýsymdyqta sınoptıkalyq protsester óte qubylmaly bolyp tur. Kaspııdiń ońtústiginen jáne Reseıdiń Eýropalyq aýmaǵynan keletin tsıklondardyń áserinen jaýyn-shashyn bolady: túnde jańbyr men qar jaýyp, kúndiz jańbyr jaýady, al ońtústik aımaqtarda sýyq aýa massalarynyń enýiniń saldarynan úsik bolýy múmkin.
Maýsym aıynda aýanyń ortasha aılyq temperatýrasy respýblıkanyń basym bóliginde normadan 1-2° joǵary, ıaǵnı ádettegiden ystyq, eldiń batys bóliginde norma shamasynda bolady dep boljanady.
Shilde, tamyz aılarynda Qazaqstanda aýanyń ortasha aılyq temperatýrasy norma shamasynda, tek tamyzda eldiń ońtústigi men ońtústik-shyǵysynda normadan 1°joǵary bolady.
Eger jazdyń basynda maýsym aıynda aldyn ala boljam boıynsha Qazaqstannyń basym bóliginde jaýyn-shashyn mólsherden az bolsa, shilde jáne tamyz aılarynda QR kóptegen oblystarynda jaýyn - shashyn mólsheri norma shamasynda jáne normadan kóp, shilde aıynda eldiń ońtústik-batysynda jáne ońtústik jartysynda, al tamyzda eldiń ortalyǵynda, ońtústikte jáne ońtústik-shyǵysta normadan az bolady dep boljanady.
Maýsymdyq aýa raıy boljamy aýa temperatýrasy men jaýyn-shashyn boıynsha ortasha alynǵan meteorologııalyq kórsetkishterdiń, qarastyrylyp otyrǵan maýsymdaǵy klımattyq normadan aýytqý (anomalııa) retinde kórsetilgen sıpattamasy; ony konsýltatıvti retinde paıdalanylýy tıis, ol qysqa merzimdiq (toqsandyq maýsymdyq boljam, aı, onkúndik, apta jáne kún) boljamdarmen naqtylanady.