Bıylǵy astyq eksporty 12 mln tonnany quraıdy

<p>ASTANA. KAZINFORM &ndash; Elimiz bıyl 12 mln tonna astyq eksportqa shyǵarady. Bul týraly Májilis depýtattarynyń saýalyna Premer-Mınıstrdiń orynbasary Serik Jumanǵarınniń jaýabynda aıtylǵan.</p>

— Búgingi tańda astyq tasymaldaýǵa shamamen 11,8 myń astyq tasymaldaǵysh pen 16 myń jabyq vagon jumyldyrylǵan. Qoldanystaǵy park astyq tasymaldaý qajettiligin tolyqtaı qamtamasyz etýge múmkindik beredi. Barlyq baǵytta astyq júkterimen vagondardyń normatıvtik aınalymy qamtamasyz etilgen. Bıyl astyq eksportynyń áleýeti 12 mln tonna deńgeıinde boljanyp otyr, — dedi vıtse-premer jaýabynda.

Úkimet basshysy orynbasarynyń dereginshe, osy jyldyń 11 aıynyń qorytyndysynda «Qazaqstan temir joly» ulttyq kompanııasy 9,2 mln tonna astyq júgin tasymaldady.

— Onyń 2,2 mln tonnasy ishki baǵyttar boıynsha bolsa, 7 mln tonnasy eksportqa jiberildi. Jańa egin eksporty (qyrkúıek-qarasha) 2 mln 871 myń tonnany qurady. Bul 2023 jyldyń dál osyndaı kezeńimen salystyrǵanda (1 mln 907 tonna) 51 paıyzǵa joǵary, — dedi Serik Jumanǵarın.

Buǵan deıin astyq eksporttaıtyn sharýalarǵa sýbsıdııa beriletindigin jazǵan edik.