Bıylǵy aqpanda kópbalaly otbasylar 39 mlrd teńgeden astam somaǵa járdemaqy aldy

<p>ASTANA. KAZINFORM - Jyl basynan beri kópbalaly otbasylarǵa beriletin memlekettik járdemaqymen orta eseppen 574,5 myń otbasy jalpy somasy 77,1 mlrd teńge mólsherinde qamtyldy. Onyń ishinde aqpan aıynda 577,3 myń otbasyǵa 39 mlrd teńge mólsherinde járdemaqy tólendi.</p>

Bul týraly QR Eńbek jáne halyqty áleýmettik qorǵaý mınıstrliginiń baspasóz qyzmeti habarlady.

Baspasóz qyzmetiniń málimetterine qaraǵanda, bul memlekettik járdemaqyǵa 4 jáne odan da kóp birge turatyn kámeletke tolmaǵan nemese 23 jasqa deıingi kúndizgi bólimde oqıtyn stýdent balalary bar otbasylar tabysyna qaramastan úmitker bola alady.

Tólem mólsheri bala sanyna qaraı eseptelip tólenedi jáne 2024 jyly:

- 4 balasy bar otbasylarǵa – 16,03 AEK nemese 59 183 teńge;

- 5 balaǵa – 20,04 AEK nemese 73 988 teńge;

- 6 balaǵa – 24,05 AEK nemese 88 793 teńge;

- 7 balaǵa – 28,06 AEK nemese 103 598 teńge;

- 8 jáne odan da kóp balasy bar otbasylarǵa – ár balaǵa 4 AEK nemese 14 768 teńge mólsherinde tólenedi.

2024 jylǵy 1 qańtardan bastap balaly otbasylarǵa taǵaıyndalatyn memlekettik járdemaqylardyń mólsheri 7%-ǵa artqanyn atap ótemiz.

Bıyl kópbalaly otbasylarǵa memlekettik járdemaqy tóleýge 474,8 mlrd teńge qarastyrylǵan.