Bıyl Jetisý oblysynyń densaýlyq saqtaý salasynda 94 nysan salynady

<p>TALDYQORǴAN. KAZINFORM &mdash; Jetisý oblysynda densaýlyq saqtaý salasyndaǵy ınfraqurylymdy damytý maqsatynda bıyldyń ózinde 94 nysan boı kóterse, sonyń 59-y &laquo;Aýyldyq jerlerdegi densaýlyq saqtaýdy jańǵyrtý&raquo; Ulttyq jobasy sheńberinde salynady. Halyqtyń ıgiligine&nbsp; dárigerlik ambýlatorııa, feldsherlik-akýsherlik pýnkt, medpýnkt salynbaqshy. Bul rette nysandardyń 27-si blokty-modýldi qurylys bolady. Bul týraly óńir ákimdik habarlady.&nbsp;</p>

Oblystyq densaýlyq saqtaý basqarmasynyń málimetinshe, 2022 jyldan beri óńirde 40-tan astam nysan salynǵan. Bıyl densaýlyq saqtaý salasyna bólingen qarajat kólemi ótken jylmen salystyrǵanda ulǵaıyp, 92,3 mlrd teńgege jetip otyr. Soǵan sáıkes jańa medıtsınalyq nysandar salynyp, mekemelerdiń materıaldyq-tehnıkalyq bazasy nyǵaıtylmaq. 

«Medıtsınalyq uıymdardyń materıaldyq-tehnıkalyq bazasyn jaqsartý úshin sońǵy eki jylda jergilikti bıýdjetten 5 mlrd teńge bólindi. Sonyń nátıjesinde medıtsınalyq uıymdardyń zamanaýı quraldarmen jabdyqtalý deńgeıi 93%-ǵa jetiti. Munyń bári óz kezeginde jergilikti jerlerde durys dıagnostıkalaý men sapaly emdeýge, syrqattyń aldyn alýǵa oń yqpalyn tıgizedi», – deıdi basqarma mamandary.

Ótken jyly 3,1 mlrd teńgege 300 birlik medıtsınalyq tehnıka men 29 birlik sanıtarlyq avtokólik satyp alynǵan, bıyl da osy maqsatqa 4,7 mlrd teńge qarastyrylyp otyr.