Bıyl jemqorlyq úshin sottalǵan ózbekstandyqtardyń sany artty

<p>TAShKENT. KAZINFORM &ndash; Ózbekstanda sybaılas jemqorlyq qylmystary úshin birinshi jartyjyldyqta 3837 adam sottaldy, bul 2023 jyldyń sáıkes kezeńimen salystyrǵanda 5,5%-ǵa kóp, dep habarlaıdy <a href="https://kaz.inform.kz/" target="_blank" rel="noopener">Kazinform</a> agenttiginiń Tashkenttegi menshikti tilshisi Álıhan Asqar.</p>

Eldiń Sybaılas jemqorlyqqa qarsy is-qımyl agenttiginen málim etkendeı, bıyl birneshe vedomstvoda sybaılas jemqorlyq faktileri jıi anyqtalǵan. Atap aıtqanda, Mektepke deıingi jáne mekteptegi bilim mınıstrligi júıesinde - 285 (2023 jyly osy kezeńde 237 adam sottalǵan), jergilikti hokımııattarda – 133 (2023 jyly - 119), memlekettik úlesi bar kásiporyndarda 153 adam (2023 jyly - 103) jaza arqalady.

Bul rette, keıbir memlekettik organdarda sybaılas jemqorlyq boıynsha sottalǵandardyń sany azaıǵan:

- Densaýlyq saqtaý mınıstrligi júıesinde – 145 maman (2023 jyly osy kezeńde 177 adam);

- Joǵary bilim, ǵylym jáne ınnovatsııalar mınıstrligi júıesinde - 52 qyzmetker (2023 jyly - 64);

- Jumyspen qamtý jáne kedeılikti tómendetý mınıstrligi júıesinde - 30 adam (2023 jyly - 40);

Aýyl sharýashylyǵy mınıstrligi júıesinde – 30 maman (2023 jyly - 33).

- quqyq qorǵaý organdarynda - 122 qyzmetker (2023 jyly - 128);

- bankterde sybaılas jemqorlyq qylmystary úshin 146 qyzmetker sottaldy (2023 jyly - 186 adam).