Bıyl jemqorlardan tárkilengen qarjyǵa salynǵan 25 mektep ashylady

<p><em>ASTANA. KAZINFORM - Buǵan deıin apatty jáne úsh aýysymdy mektepter máselesin sheshý úshin Bilim berý ınfraqurylymyn qoldaý qorynyń esebinen 76 738 orynǵa arnalǵan 62 mekteptiń qurylysy qarjylandyryldy. Onyń ishinde búgingi tańda 37 mektep iske qosyldy, dep habarlaıdy QR Oqý-aǵartý mınıstrligi.&nbsp;</em></p>

Bilim nysandaryn iske qosý nátıjesinde óńirlerde 48 myń jańa oqýshy orny paıdalanýǵa berildi.

Kópshiligi iri megapolısterde jáne olarǵa jaqyn aglomeratsııalarda ornalasqan.

«Qor Qazaqstannyń bilim berý salasyndaǵy jobalardy iske asyrý boıynsha belsendi jumysty jalǵastyryp jatyr. Prezıdenttiń tapsyrmasy boıynsha qurylǵan qordyń qyzmeti mektepter, olarǵa qosymsha qurylys nysandaryn, ınternattar salý, rekonstrýktsııalaý arqyly úsh aýysymdy, apatty mektepter men oqýshy ornynyń jetispeýshiligin joıýǵa baǵyttalǵan. Osy jyly 28 myń oqýshy ornyna arnalǵan taǵy 25 mektepti iske qosý josparlanǵan», – dep atap ótti ınfraqurylymdy damytý departamenti dırektorynyń m.a. Marlen Qasenov.

Esterińizge sala keteıik, osy jyldyń basynda Bilim berý ınfraqurylymyn qoldaý qorynyń qarajaty esebinen shamamen 15 myń oryndyq taǵy 20 jańa mektep salynatyny belgili boldy.

Olar paıdalanýǵa 2025 jyly beriledi dep kútilip otyr.