Bıyl ulttyq tasymaldaýshynyń poıyzdarynan quqyq buzǵan 100-den astam jolaýshy túsirildi

<p>ASTANA. KAZINFORM - Jyl basynan beri &laquo;Jolaýshylar tasymaly&raquo; AQ qyzmetkerleri kóliktik polıtsııamen birlesip, poıyzdardaǵy qoǵamdyq tártipti buzǵany úshin 117 jolaýshyny túsirgen. Bul kórsetkish ótken jyldyń sáıkes kezeńimen salystyrǵanda 22%-ǵa tómen.</p>

Temirjol kóligimen jolaýshylardy, bagajdy, júkbagajdy jáne poshta jóneltilimderin tasymaldaý erejelerine sáıkes, jolaýshyny kelesi jaǵdaılarda poıyzdan túsiredi:

1. Eger jolaýshy alkogol nemese esirtki áserinen mas kúıde bolyp, óz is-áreketterimen qaýip tóndirip nemese basqa jolaýshylarǵa qolaısyzdyq keltirse.
2. Eger jolaýshy vagonnyń ishindn temeki shekse.
3. Eger jolaýshy jeke basyn kýálandyratyn qujattardy kórsetýden bas tartyp, poıyz bıleti bolmaǵan jaǵdaıda.
4. Eger jolaýshy basqa jolaýshylarǵa nemese poıyz qyzmetkerlerine qatysty agressıvti áreket jasasa.
5. Eger jolaýshy ózimen birge aınalasyndaǵylarǵa qaýip tóndiretin tyıym salynǵan zattar nemese júkter alyp júrse.

Aıta keteıik, «Jolaýshylar tasymaly» AQ temirjol kóligindegi qaýipsizdikti arttyrý maqsatynda zamanaýı tehnologııalardy belsendi engizýde. Ulttyq tasymaldaýshynyń 478 vagonynda 3 myńnan astam beınebaqylaý kamerasy ornatylǵan. Beınebaqylaý júıesi vagon-meıramhanalarda, vagon-barlarda, temirjol stantsııalary men vokzaldarda jumys isteıdi.

2025 jyldyń alǵashqy jartyjyldyǵynyń sońyna deıin jolaýshylardyń qaýipsizdigin qamtamasyz etý maqsatynda qosymsha 1 552 vagonǵa kameralar ornatylady.