Bıyl Túrkistan jáne Qyzylorda oblystarynyń sharýalary sýarmaly sýdan taryqpaýy tıis
«Aýyl sharýashylyǵy qarqyndy damyǵan elimizdiń ońtústik aımaqtarynda – Túrkistan, Qyzylorda, Jambyl oblystarynda sońǵy jyldary vegetatsııalyq kezeńde transshekaralyq ózender arqyly keletin sýdyń azdyǵynan sý jetkizýde qıyndyqtar bar ekeni de ózderińizge belgili. Bıyl ótken jylmen salystyrǵanda Toqtaǵul sý qoımasynda 806 mln tekshe shaqyrym, al Kırov sý qoımasynda 106 mln tekshe shaqyrym artyq sý jınaldy», - dedi ol.
Onyń atap ótýinshe, osy jyldyń 12 sáýirde Shymkent qalasynda Memleketaralyq sý sharýashylyǵyn úılestirý komıssııasynyń 86-otyrysy ótti. Otyrys aıasynda Syrdarııa jáne Amýdarııa ózenderiniń basseınderi boıynsha 2024 jylǵy vegetatsııalyq kezeńge arnalǵan sý qoımalary kaskadtarynyń lımıtteri men boljamdy jumys rejımi bekitildi. Naryn-Syrdarııa sý qoımalary kaskadynyń jumys kestesine sáıkes 2024 jyldyń vegetatsııalyq kezeńinde Shardara sý qoımasyna aǵyn shamamen 3 692 mln tekshe shaqyrym, al «Dostyq» kanalynyń qazaqstandyq bóligine sý berý lımıti 922 mln tekshe shaqyrym bolýy tıis.
«Shardara sý qoımasy men Kóksaraı sý rettegishinde jınaqtalǵan sýdy eskere otyryp, qabyldanǵan kólemder Túrkistan jáne Qyzylorda oblystarynyń aýyl sharýashylyǵy taýaryn óndirýshileriniń vegetatsııalyq kezeńde sýarmaly sýǵa degen qajettiligin qamtamasyz etýge múmkindik berýi tıis», - dedi Erbolat Ibraıhanov.