Bıyl Taldyqorǵanda qandaı joldar jóndeledi

<p>TALDYQORǴAN. KAZINFORM - Jetisý oblysynyń ortalyǵynda 150-ge jýyq kóshege bıyl kúrdeli jóndeý jumystary júrgiziledi. Jospar boıynsha jumystar 2026 jyly tolyq aıaqtalady.</p>

Jetisý oblysy ákimdiginiń málimetinshe, ótken jyly Taldyqorǵan qalasy joldarynyń qurylysyna, kúrdeli jóndeýge jáne kútip ustaýǵa 7,7 mlrd teńge bólingen. Óńir basshysy soltústik-batys turǵyn aýdanynda, 8, 9- shy jáne «Jastar-1» shaǵyn aýdandarynda 107 kóshege jol salý josparlanǵanyn aıtty.

Máselen, ótken jyldary 40 kóshege jańadan asfalt tóselse, qalǵan 67 kóshe 2025-2026 jyldary tolyq aıaqtalady.

Sondaı-aq Shyǵys, Ońtústik-Shyǵys, «Kóktal» shaǵyn aýdandary jáne 3-bólimshe turǵyn aýdandaryndaǵy 89 kóshege kúrdeli jóndeý júrgizýilýde. Onyń 14-i jasaldy. Bıyl «Jastar-2» shaǵyn aýdanynda joldy kúrdeli jóndeý jumystary bastalady, jalpy quny - 3,5 mlrd teńge, oǵan jergilikti bıýdjetten ázirge 500 mln teńge bólindi.

- Jylý jelilerin aýystyrǵannan keıin asfalt jabynyn qalpyna keltirý - mańyzdy másele. Osyǵan baılanysty qala ákimine asfalt tósemdi qalpyna keltirý jáne lıýkterdi sapaly ornatý jumystaryn erekshe baqylaýǵa alýdy tapsyramyn, - dedi Jetisý oblysynyń ákimi Beıbit Óksikbaev.

Eske salaıyq osyǵan deıin Jetisý oblysyndaǵy eski mekteptiń ornyna jańa nysan salýǵa 2,6 mlrd teńge bólingen jazǵanbyz.