Bıyl stýdentterdiń stıpendııasy 2 ese kóbeıedi

<p>ASTANA.KAZINFORM&nbsp; - Memleket JOO stýdentteri úshin stıpendııany ulǵaıtý boıynsha josparly jumysty jalǵastyryp jatyr.</p>

Ǵylym jáne joǵary bilim mınıstrligi málimetinshe, 2025 jyly JOO jáne kolledj stýdentteri úshin stıpendııa 2 ese, magıstranttar men doktoranttar úshin 1,75 ese artady.

2025 jylǵy 1 qyrkúıekten bastap bakalavrıat stýdentterine stıpendııa 52 372 teńgege deıin, al pedagogıkalyq jáne medıtsınalyq baǵyttardaǵy bilim alýshylarǵa – 84 000 teńgege deıin, magıstranttarǵa – 117 098 teńgege, doktoranttarǵa – 262 500 teńgege deıin ósedi.

Internatýrada oqıtyn stýdentterge stıpendııa – 94 862 teńge, al rezıdentýrada – 134 664 teńge kóleminde tólenetin bolady.

Emtıhan sessııasyn «óte jaqsy» tapsyrǵan jaǵdaıda stýdentterdiń joǵary stıpendııa alý múmkindigi saqtalady.

Kolledj stýdentteriniń stıpendııasy taǵy 50 paıyzǵa ósetinin jazǵan bolatynbyz.