Bıyl shekara mańyndaǵy aýyldarda 170 jobany iske asyrýǵa 36,6 mlrd teńge bólindi
«Qazirgi ýaqytta elimizde 66 shekara mańyndaǵy aýdanda 1,8 mln halyq turatyn 1 383 aýyl ornalasqan. Qoldaý sharalary basym tártippen ekonomıkany, ınfraqurylymdy, týrızmdi, shekara mańyndaǵy saýdany damytý, jumys oryndaryn qurý, memlekettik shekaradan ótý oryndaryn jaılastyrý jáne basqa da máselelerdi sheshýge baǵyttalǵan. 2023 jyly ShQO men Abaı oblysyndaǵy burynǵy shekara mańy aýdandary qalpyna keltirildi», - dedi mınıstr.
Onyń atap ótýinshe, «Aýyl - el besigi» baǵdarlamasy aıasynda 2019-2023 jyldary 511 shekara mańyndaǵy aýyldarda áleýmettik jáne ınjenerlik ınfraqurylymdy damytý boıynsha 1,8 myń joba iske asyryldy. 2024 jyly 170 jobany iske asyrýǵa 36,6 mlrd teńge bólindi.
«2023 jyly shekara mańyndaǵy eldi mekenderdi sýmen qamtamasyz etý maqsatynda 15,6 mlrd teńgege 72 joba iske asyryldy. 44 avtomobıl ótkizý pýnktterin qaıta qurý jumystary júrgizilýde. Barlyq shekaralas eldi mekender «OTAU TV» qyzmetine qosyldy», - dedi Nurlan Baıbazarov.