Bıyl Saýd Arabııasynda 200-ge jýyq adam ólim jazasyna kesilgen

<p>ASTANA. KAZINFORM &ndash; Saýd Arabııasynda bıyl sońǵy úsh onjyldyqta eń kóp adam ólim jazasyna kesildi. 28 qyrkúıekte taǵy úsh ólim jazasyn qosa alǵanda, 2024 jyly koroldiktegi ólim jazasyna kesilgenderdiń jalpy sany 198-ge jetti, dep jazady <a href="https://www.dw.com/ru/v-saudovskoj-aravii-v-tekusem-godu-kazneno-pocti-200-celovek/a-70355615#:~:text=%D0%92%20%D0%A1%D0%B0%D1%83%D0%B4%D0%BE%D0%B2%D1%81%D0%BA%D0%BE%D0%B9%20%D0%90%D1%80%D0%B0%D0%B2%D0%B8%D0%B8%2C%20%D0%BF%D0%BE%20%D0%BF%D0%BE%D0%B4%D1%81%D1%87%D0%B5%D1%82%D0%B0%D0%BC,%D0%B2%202024%20%D0%B3%D0%BE%D0%B4%D1%83%20%D0%B4%D0%BE%D1%81%D1%82%D0%B8%D0%B3%D0%BB%D0%BE%20198." target="_blank" rel="noopener">DW</a> medıakompanııasy AFP-ǵa silteme jasap.</p>

Ótken jyly Saýd Arabııasynda 170 adam ólim jazasyna kesilgen bolsa, 2022 jyly 196 adamǵa osyndaı jaza belgilengen.

El ólim jazasyna kesilgenderdiń kóptigi úshin synǵa ushyrady. Reprieve, adam quqyǵyn qorǵaý uıymynyń ókili qaıǵyly rekord týraly habarlamaǵa reaktsııa bildirip, Saýd Arabııasy basshylyǵy jarııalaǵan modernızatsııa baǵyty bos sóz ekenin, óıtkeni ýádeler oryndalmaı jatqanyn aıtqan.

Resmı statıstıkaǵa sáıkes, bıyl Saýd Arabııasynda 32 adam lańkestikke, taǵy 52 adam esirtkige qatysty aıyppen ólim jazasyna kesilgen.

Saýd Arabııasynyń resmı ókilderiniń aıtýynsha, ólim jazasy «qoǵamdyq tártipti saqtaýǵa» qyzmet etedi jáne sottalýshy barlyq zańdy múmkindikterin taýsylǵannan keıin ǵana júzege asyrylady.

Qazirgi ýaqytta Saýd Arabııasynda ólim jazasyna kesilgenderdiń sany eldiń taq murageri Muhammed ben Salmannyń sózine qaıshy kelip otyr. 2022 jyly The Atlantic jýrnalyna bergen suhbatynda hanzada óz elinde ólim jazasy qazir tek kisi óltirý nemese kóptegen adamdardyń ómirine qaýip tóndirý úshin ǵana qoldanylatynyn aıtqan.