Bıyl Saran qalasynda 1 mln zamanaýı avtoshınalar shyǵarylady — Roman Sklıar

<p>ASTANA. KAZINFORM &ndash;&nbsp;<em data-entity-type="MessageEntityItalic"> </em>Birinshi vıtse-premer Roman Sklıar <a href="https://primeminister.kz/" target="_blank" data-entity-type="MessageEntityUrl" rel="noopener">Primeminister.kz</a> saıtyna bergen suhbatynda Qazaqstandaǵy monoqalalardyń ónerkásiptik damý áleýeti týraly aıtty.</p>

Máselen, Ekibastuz qalasynda «Railways Systems KZ» kompanııalar toby temirjol mashınasyn jasaý salasyndaǵy eń zamanaýı jabdyqtardy óndirýdiń jetinshi jelisiniń qurylysyn belsendi júrgizýde. Buǵan deıin kásiporyn Ekibastuz qalasynda temirjol salasy úshin 6 ónim túrin shyǵarǵan.

Saran qalasynda burynǵy rezeńke-tehnıkalyq buıymdar (RTB) zaýytynyń negizinde birqatar óndirister quryldy. Olardyń arasynda synaq rejıminde ónim shyǵara bastaǵan shına zaýyty da bar. Bul rette Qazaqstanda bul ónim 2000 jyldan beri shyqpaǵan. Birinshi vıtse-premerdiń aıtýynsha, maýsym aıynda alǵashqy óndiris bastalady jáne bıyl qalada 1 mln eń zamanaýı shınalar shyǵarylady.

«Óńdeýshi ónerkásiptiń damýy elimizdiń ekonomıkasyn ózgertip qana qoımaı, monoqalalardyń ómirine de ózgerister engizip jatyr. Men Ekibastuzdy bekerge mysalǵa keltirgen joqpyn. Búginde onda iri mashına jasaý klasteri damyp keledi jáne temirjol mashınasyn jasaý ónimderiniń 72%-y óndiriledi. Maýsym aıynda GRES-1 alańynyń janyndaǵy eń iri ferroqorytpa zaýyty óz jumysyn bastaıdy. Saran qalasynda burynǵy RTB zaýytynyń bazasynda jańa kásiporyndar salyndy: shına zaýyty, shaǵyn torapty qurastyrý ádisimen avtobýstar shyǵaratyn QazTehna, turmystyq tehnıka shyǵaratyn zaýyt bar. Sondaı-aq túzý dánekerlengen qubyrlar shyǵaratyn kásiporyn salynyp jatyr. Qazirdiń ózinde monoqalanyń ózi jańa ómirge qalaı beıimdelip, túrlenip jatqanyn kórýge bolady. Buryn turǵyndary tastap ketken úıler endi bos emes, kúrdeli jóndeý jumystary júrgizilýde. Úkimet bul baǵyttaǵy jumysty jalǵastyratyn bolady. Jergilikti qamtý úlesin arttyrý jáne ınvestıtsııa tartý jastar úshin joǵary ónim óndiretin, jaqsy aqy tólenetin jumys oryndaryn ashýǵa múmkindik beredi. Bul – basty mindet. Eksporttyq áleýetti arttyrý, ımportty almastyrý, bıýdjetke túsetin salyqtar, jumys oryndarynyń ashylýy júıeli túrde júzege aspaq. ıAǵnı, bul bárin ózimen birge ilestirip áketetin tutas bir lokomotıv», — dep atap ótti Roman Sklıar.