Onlaın platformalardan túsetin salyq kóbeıip keledi

<p>ASTANA. KAZINFORM &mdash; Elimizde120-ǵa jýyq onlaın platforma resmı tirkelgen. Sonyń ishinde bıyl salyq tóleýden kósh bastaǵan iHerb marketpleısi qazynaǵa 11,8 mlrd teńge aýdarypty. Bul týraly Jibek Joly telearnasynyń jańalyqtarynda aıtyldy.&nbsp;</p>

Arna tilshisiniń dereginshe, marketpleısterge salyq salý bastalǵan 2022 jyly Google Qazaqstanda eń kóp salyq tóleýshi bolǵan edi. Kompanııa keıingi úsh jylda Qazaqstanǵa 58 mıllıard teńge salyq tólegen. Bıyl kósh basyna medıtsınalyq preparattar men túrli dárýmen satatyn onlaın dúken IHERB kompanııasy shyǵyp otyr. Odan keıingi orynda 9,4 mlrd teńgemen Apple kompanııasy tur. Google bıyl úshinshi orynda - 9,3 mlrd teńge. Al, Valve Corporation 8,8 mlrd túsirse, Meta platformasy 6,6 mlrd teńge salyq tólegen.

— Biz saıttar men qosymshalardaǵy qazaqstandyqtardyń tólemderin qadaǵalap otyramyz. Sosyn, kompanııalardyń esebimen sáıkestigi anyqtalady, - deıdi QM MKK Tsıfrlyq aktıvterdi ákimshilendirý basqarmasynyń bas sarapshysy Іlııas Qaptaǵaev.  

Kirister komıteti resmı salyq tóleýshi retinde tirkegen 88 halyqaralyq uıym bar. Bıyl taǵy 26 onlaın platforma qosylǵan. Jańa tizimge tanymal Amazon, Sony, IVI sekildi iri kompanııalar engen. Olar tabysynyń 12 paıyzyn Qazaqstan bıýdjetine beredi. Jerlesterimiz jıi júginetin Qytaıdyń onlaın dúkenderi da salyq tóleýge mindettelgen. Máselen, bıyl Temu platformasy qazynaǵa 764 mıllıon teńge aýdarǵan.  

— Eýroodaqqa múshe elderdiń platformalary úshin salyq mindettelmeıdi. Máselen reseılik mail.ru tólem jasaýshylar tiziminde joq. Al, otandyq marketpleıster úshin ereje basqa. Qazir Qazaqstanda tabys taýyp júrgen ózge de saıttar men qosymshalardy anyqtap jatyrmyz, - dedi QM MKK Tsıfrlyq aktıvterdi ákimshilendirý basqarmasynyń basshysy Talǵat Ádilov. 

Bir aıta keteri salyqtan jaltaryp júrgender onlaın platformalar joq eken. Biraq, olaı bolǵan kúnniń ózinde memlekettiń qadaǵalaý quzireti álsiz. Óıtkeni zań solqyldaq. Jańa salyq kodeksinde bul másele qaralǵan-tyn. Salyq tólemegen saıttardyń jumysyna shekteý qoıý kózdelgen. Biraq, jańa salyq kodeksin qabyldaý kelesi jylǵa qaldy.

Kirister komıteti kelesi jyly el aýmaǵynda onlaın qyzmet kórsetetin birneshe iri platformalardy da salyq tóleýge mindettemek. Arasynda áıgili Telegram jelisi de bar. Eske sala keteıik, Qazaqstan onlaın platformalarǵa salyq salýdy Orta Azııada alǵash engizdi.