Bıyl sábılerge qoıylǵan eń tanymal esimder belgili boldy

<p>ASTANA. KAZINFORM &mdash; Ulttyq statıstıka bıýrosy 2024 jyly sábılerge qoıylǵan eń tanymal esimderdi atady.&nbsp;</p>

Ulttyq statıstıka bıýrosy tanymal servıstiń biri — «Tanymal esimder» bóliminiń múmkindikterin keńeıtti. Endi paıdalanýshylar sábılerge eń kóp jáne az qoıylǵan esimder týraly tolyqqandy aqparat ala alady.

Buryn «Tanymal esimder» bólimi tek belgili bir jyl men aı ishinde týǵan uldar men qyzdar arasyndaǵy tanymal 10 esim týraly aqparat berip kelgen. Qazirgi ýaqytta keńeıtilgen fýnktsıonal arqasynda paıdalanýshylar aımen qatar, toqsan, jarty jyl, jyl nemese naqty ýaqyt aralyǵyn tańdaı alady. Sondaı-aq paıdalanýshylar endi týǵan sábılerge qoıylǵan eń tanymal/sırek esimderi boıynsha TOP-50 tizimin ulttar men óńirler boıynsha qaraı alady.

2024 jyly, ótken jylmen salystyrǵanda, uldar esimi arasynda bolmashy ózgeris bar. Alǵashqy ondyqtan Nurıslam esimi shyǵyp qaldy. Al sońǵy 10 jyl (2014 jyldan bastap) boıy birinshi orynda turǵan Alıhan esimin Muhammed esimi yǵystyrdy.

Foto: Ulttyq statıstıka bıýrosy

2024 jyly qyzdar arasynda Marııam esimi tizimnen Amına esimin yǵystyryp, alǵashqy ondyqqa endi.

Qyzmet fýnktsıonalynyń keńeıýi arqasynda paıdalanýshylar tanymal esimderdegi ózgeristerdi zerttep, trendterdi jáne Qazaqstandaǵy esimderdi tańdaý mádenı erekshelikterin taldaı alady. Ulttyq statıstıka bıýrosy beriletin aqparattyń sapasyn jaqsartý jáne qyzmetterdiń fýnktsıonalyn keńeıtý boıynsha jumystaryn jalǵastyrady.

Buǵan deıin habarlanǵandaı, Qazaqstanda jastar arasynda 735 myń dara kásipker tirkelgen.