Bıyl Pavlodar oblysynda 612 shaqyrym jol jóndeledi

<p>PAVLODAR. KAZINFORM - Bıyl oblystyń 3 qalasy men 12 aýdan ortalyǵynda jáne 87 aýylynda 612 shaqyrym jol jóndeledi. Bul maqsattarǵa 28 mlrd teńge bıýdjet qarjysy qarastyrylǵan.</p>

Bul týraly Pavlodar oblysy ákiminiń baspasóz qyzmetinen habarlady.

«Jalpy uzyndyǵy 142 km bolatyn 42 aýyldyń kirme jolyna jóndeý júrgizý josparlanyp otyr. Sondaı-aq, eseptik kezdesýlerde aıtylǵan turǵyndardyń ótinishterin oryndaý úshin bonýstyq transfertter qarastyrylǵan. Onyń aıasynda jalpy uzyndyǵy 68 km bolatyn 65 aýyldyq kósheni jóndeý jobasy iske asyrylady. Buǵan qosa oblystyq bıýdjet esebinen Kóktóbe, Ýspen, Sharbaqty aýdandarynyń ortalyqtaryndaǵy jáne Sileti aýylyndaǵy kósheler jóndeledi», - dep málimdedi óńir ákiminiń baspasóz qyzmetinen.

Jol jóndeý jumystary sáýir aıynda bastalady. Olardy júzege asyrý úshin oblysta barlyq qajetti ınfraqurylym bar.