Bıyl Ózbekstannyń jalpy ishki ónimi 6-6,5% ósýi yqtımal

<p>TAShKENT. KAZINFORM &ndash; Bıyl Ózbekstanda jalpy ishki ónim kólemi 6-6,5% ósýi múmkin. Eldiń makroekonomıkalyq ahýaly jáne qarjy sektorynyń damý perspektıvasy talqylanǵan paneldik sessııada ÓR Ortalyq banki tóraǵasynyń orynbasary Behzod Hamraev osylaı málim etti, dep habarlaıdy <a href="https://kaz.inform.kz/" target="_blank" rel="noopener">Kazinform</a> agenttiginiń Tashkenttegi menshikti tilshisi Álıhan Asqar.</p>

«Elimizdegi júıeli reformalardyń arqasynda ekonomıkalyq ósim kórsetkishi joǵary. Boljamǵa saı, bıyl jáne orta merzimdi perspektıvada jalpy ishki ónimniń naqty ósimi 6-6,5% deńgeıinde bolmaq. Buǵan 2024 jyly el ekonomıkasyna tartylǵan tikeleı ınvestıtsııalar oń yqpal etti», - dedi Behzod Hamraev.

Eske salaıyq, buǵan deıin Eýropalyq qaıta qurý jáne damý banki Ózbekstannyń JІÓ bıyl 6,5%-ǵa, al 2025 jyly 6%-ǵa ósetinin boljaǵan edi.

Sonymen qatar, Ózbekstan 2030 jylǵa qaraı jalpy ishki ónim kólemin $200 mlrd jetkizýdi josparlap otyr.