Bıyl Ózbekstanǵa saıahattap barǵan qazaqstandyqtardyń sany 35% azaıdy

<p>TAShKENT. KAZINFORM &ndash; Bıyl qańtar-aqpan aılarynda 155,9 myń qazaqstandyq Ózbekstanǵa saıahattap barǵan, dep habarlaıdy&nbsp;<a href="https://kaz.inform.kz/" target="_blank" rel="noopener">Kazinform</a> agenttiginiń Tashkenttegi menshikti tilshisi Álıhan Asqar.</p>

Ózbekstan Statıstıka agenttiginiń málimetine saı, ótken jyldyń sáıkes kezeńimen salystyrǵanda bıyl qazaqstandyq týrısterdiń sany 85,5 myń adamǵa nemese 35,4%-ǵa azaıdy.

Qosa ketsek, bıyl qańtarda em alý maqsatynda Ózbekstanǵa 7 myńnan astam sheteldik kelgen. Onyń ishinde 4,8 myń adam Tájikstan azamaty bolsa, dertine daýa izdegen taǵy 1 myńnan astamy qazaqstandyq.

Eske sala keteıik, ótken jyldyń qańtar-jeltoqsan aılary aralyǵynda 1,2 mln qazaqstandyq Ózbekstanǵa týysqandarymen kórisý úshin barǵan.