Bıyl óńirlerde 5 sý qoımasynyń qurylysy bastalady

<p>ASTANA. KAZINFORM — Elimizde jańa sý qoımalarynyń qurylysy bastaldy. Bıyl Qazaqstannyń ár óńirinde 5 sý qoımasynyń qurylysyn bastaý josparlanyp otyr. </p>

Qazir 8 nysannyń qujattary ázirlenip jatyr.

Mınıstrlik 11 oblysta barlyǵy 20 jańa sý qoımasyn salýdy josparlap otyr. 

Jumys 2024-2028 jyldar aralyǵynda oryndalýy tıis.

Jańa sý qoımalary sýarmaly jerlerdiń aýdanyn 250 myń gektarǵa ulǵaıtýǵa jáne 137 myń turǵyny bar 70 aýyldyq eldimekendi sý basý qaýpin azaıtýy kerek.

«Qurylys jumystary sý sharýashylyǵyn damytýdyń 2024-2030 jyldarǵa arnalǵan keshendi josparyna sáıkes júrgiziledi. Qazir jańa sý qoımalaryn salýǵa ınvestorlardy tartý boıynsha kelissóz júrip jatyr. Joba eldiń sý qaýipsizdigin qamtamasyz etý jáne transshekaralyq ózenderge táýeldilikti azaıtý úshin iske asyýda», — dedi Sý resýrstary jáne ırrıgatsııa mınıstri Nurjan Nurjigitov.