Bıyl onkologııaǵa shaldyqqandar sany 43 myńnan asýy múmkin

<p>Jyl aıaǵyna qaraı onkologııaǵa shaldyqqandardyń sany byltyrǵy kórsetkishten de asyp túsýi múmkin. Bul týraly Qazaq ǵylymı onkologııalyq jáne radıologııalyq ǵylymı-zertteý ınstıtýtynyń dırektory Dılıara Qaıdarova málim etti, dep habarlaıdy <a href="Kazinform" target="_blank" rel="noopener">Kazinform.</a></p>

Dılıara Qaıdarova Qazaqstan onkologtary men radıologtarynyń ІH sezi kezinde BAQ ókilderine suhbat berip, jyl saıyn obyrdyń qanshalyqty órship kele jatqany týraly málimet usynǵan bolatyn. 

«2022 jyly onkologııaǵa shaldyǵýdyń 40 myńnan astam jańa jaǵdaıy tirkeldi. Ólim-jitim kórsetkishi 13 myń boldy. Birinshi orynda – bezdiń qaterli isigi, ekinshi orynda – ókpe obyry, aryqaraı asqazan obyry, ishekterdiń qaterli isigi, jatyr moıny obyry dep kete beredi. Eń jıi kezdesetin bes túri osylar», - dedi maman.

Onyń sózinshe, 2023 jyldyń alty aıynda onkologııalyq aýrýǵa shaldyqqan jańa naýqastardyń sany 20 myńnan asyp ketken. 

«Jyl aıaǵyna qaraı jańa tirkelgen naýqastar sany 42-43 myńnan asatyn shyǵar dep otyrmyz», - dedi Dılıara Qaıdarova. 

Sondaı-aq ol Ulytaý oblysynda, Almaty oblysynyń Qonaev qalasynda, Jetisý oblysynyń Taldyqorǵan qalasynda, Qostanaıda, Aqtóbede onkologııalyq ortalyqtar salynatynyn aıtty.