Bıyl oqý jyly qashan aıaqtalady

<p>ASTANA. KAZINFORM &ndash; Qazaqstandyq mektepterdegi tórtinshi toqsan 1 sáýirden 25 mamyrǵa deıin jalǵasady. Tórtinshi toqsannyń uzaqtyǵy 8 oqý aptasyn quraıdy. Sondaı-aq, 25 mamyrda qorytyndylar shyǵarylyp, oqý jyly aıaqtalady. Bul týraly QR Oqý-aǵartý mınıstrligi habarlady.</p>

Sý tasqynyna qarsy is-sharalardy úılestirý jáne sý tasqyny kezeńiniń zardaptaryn joıý jónindegi respýblıkalyq shtab jumysynyń aıasynda 88 bilim berý uıymy tórtinshi toqsandy qashyqtyqtan oqytý formatynda bastaıdy.

— Jergilikti jerlerde Oqý-aǵartý mınıstrliginiń aýmaqtyq bilim berý salasynda sapany qamtamasyz etý departamentteri men óńirlik bilim basqarmalary jumys jasalyp jatyr.  Evakýatsııalyq pýnktterdegi balalarǵa qajetti kómek kórsetý úshin psıhologııalyq qyzmetter iske qosyldy. Balalar qashyqtyqtan oqý úshin qajetti oqý quraldarymen, kıim-keshekpen jáne tehnıkalyq quraldarmen qamtamasyz etildi. Evakýatsııalanǵan 1-4 synyp oqýshylaryn tamaqtanýmen qamtý máselesi boıynsha jumystar júrgizilip jatyr, — dep atap ótti vedomstvonyń resmı ókili Mereke Amangeldiqyzy.