Bıyl mas kúıde kólik aıdaý saldarynan 26 adam qaza tapty

<p>ASTANA. KAZINFORM &ndash; Jyl basynan beri mas kúıde kólik tizgindeý saldarynan 178 jol apaty bolyp, 26 adam qaza tapqan. QR Іshki ister mınıstrliginiń resmı ókili Shyńǵys Álekeshev jarty jyldyq jumys esebiniń qorytyndysyn baıandady.&nbsp;</p>

Іshki ister mınıstrligi «Qorǵaý» baǵdarlamasyn ázirlegen bolatyn. Ol polıtsııaǵa jolda óreskel zań buzatyn júrgizýshilerdi anyqtaýǵa jáne olarmen aldyn alý jumystaryn júrgizýge múmkindik beredi. Mundaı baǵdarlama barlyq 20 aımaqta qoldanylady.

«Bıyl «Qorǵaýdyń» kómegimen 339 myńnan astam kólik quraly tekserilip, 20 myńnan astam ákimshilik quqyqbuzýshylyq anyqtaldy. 9 myńǵa jýyq avtokólik aıyppul turaǵyna qamaldy. Jalǵan nómirli 173 kólik anyqtaldy», - dedi Shyńǵys Álekeshev.

Sonymen birge, polıtsııa júrgizýshiler tártibin nyǵaıtý boıynsha da sharalar qabyldaǵan.

«Sońǵy 6 aıda 12 myńnan astam mas júrgizýshi ustalyp, júrgizý quqyǵynan aıyryldy. Jyl basynan beri dál osy mas kúıde kólik tizgindeýdiń saldarynan 178 jol-kólik oqıǵasy oryn alyp, 26 adam qaza tapty», - dedi resmı ókil.

Buǵan deıin Sh. Álekeshev elimizde birqatar qylmystyń tómendeýi baıqalǵanyn aıtqan edi.