Bıyl mal azyǵy tapshy bolmaı ma

<p>Aýyl sharýashylyǵy mınıstri Aıdarbek Saparov aldaǵy qysta mal azyǵynan problema bolmaıtynyn aıtty,&nbsp; dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

«Mal azyǵyna keler bolsaq, qazirgi ýaqytta 24,2 mln tonna shóp daıyndadyq. Bul – 98 paıyz. Búginde saban men pishendeme jınaý jumysy júrip jatyr, súrleme de josparǵa saı kómildi. Jem-shópke qatysty jalpy Pavlodar oblysy boıynsha másele bar. Degenmen bul óńirde 98 paıyz qamtamasyz etilgen. Kórshi oblystardan ol jaqqa qansha qajet bolsa, sonsha qosymsha jiberiledi», - dedi mınıstr Úkimet otyrysynan keıingi baspasóz máslıhatynda.

Sonymen qatar ol sapasyz astyq mal azyǵyna jiberiletinin basa aıtty.

«Ózderińiz biletindeı, búginde astyqqa qatysty jaıt óte kúrdeli. Eshqandaı surypqa jatpaıtyn astyq kóp. Sondyqtan mal azyǵyna qatysty másele bolmaıdy», - dedi Aıdarbek Saparov.