Bıyl kópbalaly otbasylar neshe teńge járdemaqy aldy

<p>Eńbek jáne halyqty áleýmettik qorǵaý mınıstrliginiń málimetinshe, jyl basynan beri kópbalaly otbasylar 376,6 mlrd teńgege járdemaqy aldy, dep habarlaıdy <a href="https://www.inform.kz/" target="_blank" rel="noopener">Kazinform</a>.</p>

"Jyl basynan beri kópbalaly otbasylarǵa beriletin memlekettik járdemaqymen orta eseppen 540,8 myń otbasy jalpy somasy 376,6 mlrd teńge mólsherinde qamtyldy, onyń ishinde qarasha aıynda 557,3 myń otbasyna 37,2 mlrd teńge mólsherinde járdemaqy tólendi.

Bul memlekettik járdemaqyǵa 4 jáne odan da kóp birge turatyn kámeletke tolmaǵan nemese 23 jasqa deıingi kúndizgi bólimde oqıtyn stýdent balalary bar otbasylar tabysyna qaramastan úmitker bola alady", - dep jazdy mınıstrlikten.

Tólem mólsheri bala sanyna qaraı eseptelip tólenedi. Kópbalaly otbasylaryndaǵy:

- 4 balasy bar otbasylarǵa – 16,03 AEK nemese 55 304 teńge;

- 5 balaǵa – 20,04 AEK nemese 69 138 teńge;

- 6 balaǵa – 24,05 AEK nemese 82 973 teńge;

- 7 balaǵa – 28,06 AEK nemese 96 807 teńge;

- 8 jáne odan da kóp balasy bar otbasylarǵa – ár balaǵa 4 AEK nemese 13 800 teńge mólsherinde.

Eske salaıyq, kópbalaly otbasylarǵa olardyń tabysyn esepke almaı beriletin memlekettik járdemaqy Qazaqstanda 2020 jyldyń 1 qańtarynan bastap ataýly áleýmettik kómek kórsetýdiń jańa tetikterinde kózdelgen tabysy az jáne kópbalaly otbasylardy qoldaýdyń úsh negizgi baǵyty aıasynda engizilgen.

2023 jylǵy 1 qańtardan bastap balaly otbasylarǵa taǵaıyndalatyn memlekettik járdemaqylardyń mólsheri 8,5%-ǵa artqanyn atap ótemiz.