Bıyl qazaqstandyqtardan 1 synypqa qabyldaýǵa 270 myńnan astam ótinim tústi

<p>ASTANA. KAZINFORM - 1-synypqa ótinimder qabyldaý 2024 jylǵy 31 tamyzǵa deıin jalǵasady, dep habarlaıdy QR Oqý-aǵartý mınıstrliginiń baspasóz qyzmeti.</p>

Búginge deıin 275177 ótinim kelip tústi. Birinshi synypqa oqýshylardy qabyldaý boıynsha Aqmola, Almaty, Jetisý, Pavlodar oblystary 100 paıyz kórsetkishke qol jetkizgen.

Aldyn ala boljam boıynsha, 2024 jyldyń 31-jeltoqsanyna deıin 6 jasqa tolatyn balalar sany 370 myńnan asady, osylaısha olardyń birinshi synypqa barýǵa tolyq múmkindigi bar.

Azamattarǵa qolaıly bolý úshin qyzmet kórsetý tolyǵymen avtomattandyryldy. Ata-analar men balalardyń zańdy ókilderi óz ótinimderin egov.kz elektrondy portalynda, sondaı-aq jergilikti atqarýshy organdardyń aqparattyq júıeleri arqyly tapsyra alady.

Birinshi synypqa balalar 6 jastan bastap ata-anasynyń nemese balanyń zańdy ókiliniń ótinishi negizinde qabyldanady. Ótinimder demalys pen mereke kúnderinen basqa, dúısenbiden jumaǵa deıin qabyldanady.