Bıyl qazaqstandyqtar joǵary bilim alýǵa 62 mlrd teńge jumsaǵan

<p>ASTANA. KAZINFORM &ndash; Qazaqstandyqtardyń jalpy shyǵyndardyń 10%-y bilimge jumsalǵan.</p>

«Jalpy qazaqstandyqtar bilim berý qyzmetine 176 mlrd teńge jumsaǵan. Ulttyq statıstıka bıýrosynyń málimeti boıynsha, osy jyldyń II toqsanynda jalpy bilim berý qyzmetine 1,7 trln teńge jumsaldy. Bul somanyń 86,4%-y bıýdjetke, al 3,4%-y kásiporyndarǵa tıesili boldy.

Qazaqstandyqtar eń kóp qarajatty joǵary bilim alýǵa bergen – jyl basynan beri 3 aıda 62,9 mlrd teńge jumsalǵan. Kelesi orynda – mektepke deıingi tárbıe men oqytý (38,2 mlrd teńge), sondaı-aq jalpy orta bilim (28,4 mlrd teńge) tur.

Respýblıka bıýdjeti negizgi orta bilim berý (798 mlrd teńge), mektepke deıingi tárbıe (220 mlrd teńge) jáne bastaýysh bilim berý (179 mlrd teńge) salasyndaǵy qyzmetterge kóp qarjy jumsaǵan. Bul rette joǵary bilim berý qyzmetterine respýblıkalyq bıýdjetten nebári 106 mlrd teńge bólingen.

Aıta keteıik, 2024-2025 oqý jylynda grant sany 94 myńnan asty. Onyń ishinde 78 myń grant — bakalavrıat stýdentterine, 13 myń grant — magıstratýraǵa berilse, 3 myń grant bolashaq doktoranttarǵa qarastyrylǵan.

Osyǵan deıin Qazaqstanda eń tómengi kúnkóris deńgeıi 55 731 teńgege deıin óskenin jazdyq.